+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

BQO-da qarasha aıynda koronavırýs juqtyrǵandar sany 500-den asty

2020 jylǵy 17 qarasha 14:08
Bólisińiz:
BQO-da qarasha aıynda koronavırýs juqtyrǵandar sany 500-den asty

ORAL. QazAqparat – Batys Qazaqstan oblysynda 1-16 qarasha aralyǵynda 503 adamnyń koronavırýs juqtyrǵany tirkeldi, dep habarlaıdy QazAqparat tilshisi.

Uqsas jańalyqtar
Koronavırýs juqtyrǵandardyń táýliktik kórsetkishi jarııalandy Koronavırýs: AQSh-ta vaktsınatsııadan ótpegen áskerı qyzmetshiler jumystan shyǵarylady Italııada kovıd-sertıfıkaty joq turǵyndar jumysqa jiberilmeıdi

BQO sanıtarııalyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde 205-inde aýrý belgileri bolǵan. Qalǵan 298-inde aýrý belgileri joq.

Osy merzimde aýyrǵandardyń 360-y nemese 71,5 paıyzy Oral qalasynyń úlesine tıedi. Sondaı-aq Báıterek aýdanynda – 63, Bórlide – 32, Terektide – 12, Shyńǵyrlaýda – 10, Jánibekte – 8, Qaztalovta – 7, Jańaqalada – 6, Syrymda – 4, Qaratóbede – 3, Bókeı ordasy men Aqjaıyqta bir-birden adamnyń kovıd juqtyrǵany belgili boldy.

Qarasha aıynda memlekettik shekaradan 12074 adam ótse, sonyń 2267-si – jolaýshylar. Anyqtamasyz ótken 224 jolaýshynyń tórteýinen indet tabyldy. Halyqaralyq júk tasymaldaýmen aınalysatyn 4022 júrgizýshiniń 1844-inde anyqtama bolmaǵan. Solardyń ishinen 17-siniń koronavırýs juqtyrǵany anyqtaldy.

Oblys boıynsha COVID-19 juqtyrǵandar sany 7527-ge jetip, sonyń 6961-i saýyǵyp shyqty. 128 adam kóz jumdy.

Óńirde monıtorıngtik toptar óz qyzmetin jalǵastyrýda. Qarasha aıynda 52 nysannyń sanıtarlyq talapty buzǵany anyqtaldy. QR Ákimshilik quqyqbuzýshylyq kodeksiniń 425-baby 1-bóligine sáıkes 80 hattama toltyrylyp, 4 mln astam teńge aıyppul salyndy.

«Oblysta 10 qarashadan bastap karantındik shekteý sharalary qatańdatylǵany málim. Túngi saǵat 23.00-den bastap tańǵy 06.00-ge deıin kólikterdiń qozǵalysyna shekteý qoıylýy, senbi, jeksenbi kúnderi sanıtarlyq posttardyń jumys isteýi jáne qoǵamdyq kólikterdiń toqtatylýy sııaqty sharalar qazirgi turaqsyz jaǵdaıǵa baılanysty qolǵa alyndy. Epıdemıologııalyq ahýaldyń ońalýy úshin turǵyndar sanıtarlyq talaptardy saqtap, maska kıip, araqashyqtyqty umytpaı, kópshilik jınalǵan jerlerge barmaýy kerek», dedi N.Mustaev.

Eske sala keteıik, budan buryn BQO-la 20 muǵalimniń koronavırýs juqtyrǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT