+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

BQO-da karantın talaptaryn buzǵan 33 adamǵa 1,3 mln teńge aıyppul salyndy

2020 jylǵy 22 qyrkúıek 22:30
Bólisińiz:
BQO-da karantın talaptaryn buzǵan 33 adamǵa 1,3 mln teńge aıyppul salyndy

ORAL. QazAqparat – Batys Qazaqstan oblysynda 1-20 qyrkúıek aralyǵynda sanıtarlyq talapty saqtamaǵan 33 adamǵa aıyppul salyndy, dep habarlaıdy QazAqparat tilshisi.

BQO taýarlar men kórsetiletin qyzmetterdiń sapasy men qaýipsizdigin baqylaý departamenti málim etkenindeı, osy merzimde 33 ákimshilik quqyqbuzýshylyq týraly hattama toltyrylyp, 1 375 110 teńgege aıyppul salyndy.

Óńirde monıtorıng toby men polıtsııa qyzmetkerleri júrgizgen reıd kezinde turǵyndardyń betperde rejımin saqtamaıtyndyǵy, tyıym salynǵanyna qaramastan, otbasylyq sharalardy ótkizýdi toqtatpaǵany anyqtaldy.

Monıtorıngtik toptyń departamentke jibergen materıaldary negizinde jeke qorǵanysh quraldarynyń bolmaýy, betperde rejımin saqtamaýdyń 15, sondaı-aq kópshiliktiń qatysýymen otbasylyq sharany ótkizýdiń 18 deregi (úılený toıy, týǵan kún, qudalyq) boıynsha hattama toltyryldy. Soǵan baılanysty barlyǵyna QR Ákimshilik quqyqbuzýshylyq kodeksiniń 425-baby 1-bóligine sáıkes aıyppul salyndy.

Mamandardyń sózine qaraǵanda, sonyń ishinde turǵyndar 16 úılený toıyn, bir-birden týǵan kún jáne qudalyq ótkizip, bularǵa 20-dan 50 adamǵa deıin qatysqan.

Departament sanıtarlyq-epıdemıologııalyq talaptardy buzýdyń sońy indettiń órshýine soqtyrýy múmkin ekendigin eskertip, barlyq aldyn alý sharalaryn saqtaýdy ótinedi.

Eske sala keteıik, budan buryn BQO medıtsına uıymdarynda eki aıǵa jetetin dári-dármek qory jasaqtalǵanyn jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT