+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

BQO-da karantın talabyn buzǵandarǵa 2,5 mln teńge aıyppul salyndy

2021 jylǵy 9 shilde 21:16
Bólisińiz:
BQO-da karantın talabyn buzǵandarǵa 2,5 mln teńge aıyppul salyndy

ORAL. QazAqparat – Batys Qazaqstan oblysynda shilde aıynda monıtorıng toptary 149 reıd júrgizip, 615 nysandy qamtydy, dep habarlaıdy QazAqparat tilshisi.

Uqsas jańalyqtar

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda ótken brıfıngide málim etkenindeı, osy kezeńde 17 nysanda karantın talabyn buzýshylyq anyqtaldy.

Muhamǵalı Qaıyrjanulynyń sózine qaraǵanda, QR Ákimshilik quqyqbuzýshylyq kodeksi 425-baby 1-bóligine sáıkes 22 hattama toltyrylyp, 2 mln 464,865 myń teńge aıyppul salyndy.

«Karantın talabyn kóbinese qoǵamdyq tamaqtandyrý oryndary, atap aıtqanda, kafe, meıramhanalar buzýda. Olar, ásirese, demalys kúnderi adam kóp jınalatyn is-sharalardy ótkizýdi toqtatatyn emes», dedi M.Aryspaev.

Onyń aıtýynsha, «Ashyq» jobasy boıynsha oblysta 526 nysan jumys isteıdi.

26 sáýirden beri osyndaı nysandarǵa barǵan úılerinde oqshaýlanýy tıis «qyzyl» jáne «sary» mártebesi bar 499 adam anyqtaldy.

Sonyń ishinde 14 jeke tulǵanyń árqaısysyna 30 AEK (87510 teńge) kóleminde aıyppul salyndy.

Shilde aıynda óńirde indet juqtyrǵan 1396 adamnyń 42 paıyzy (582) Oral qalasynda, 16 paıyzy (222) Báıterek, 15 paıyzy (204) Bórli, 4 paıyzy (60) Terekti aýdanynda tirkelgen.

Aýyrǵandardyń 141-i – 14 jasqa deıingiler, 57-si – 15-17, 113-i – 18-25, 365-i – 26-40, 445-i – 41-60 jas aralyǵyndaǵylar, 275-i – alpystan asqandar.

Tek sońǵy táýlikte 191 adamnan koronavırýs tabyldy.

Sońǵy aptada (2-8 shilde) aldyńǵymen (25 maýsym – 1 shilde) salystyrǵanda, aýrý juqtyrý kórsetkishi 38 paıyzǵa ósip otyr.

Eske sala keteıik, budan buryn BQO-da 122 myńnan astam adamnyń koronavırýsqa qarsy egilgenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT