BQO-da GAP qarjy pıramıdasyna qatysty tergeý júrip jatyr
2022 jylǵy 20 mamyr 13:40

BQO-da GAP qarjy pıramıdasyna qatysty tergeý júrip jatyr

NUR-SULTAN. QazAqparat - Qarjy monıtorıngi agenttigi Batys Qazaqstan oblysy boıynsha aýmaqtyq departamentiniń qyzmetkerleri «GAP» (Global Asar Project) tutyný kooperatıvine qatysty tergeý júrgizip jatyr, dep habarlaıdy QazAqparat vedomstvoǵa silteme jasap.

Sotqa deıingi tergeý Qylmystyq kodekstiń 217-baby 1-bóligi «Qarjy pıramıdasyn qurý jáne basqarý isi» negizinde bastalǵan.

Agenttik málimetinshe, qarjy pıramıdasy BQO-da 2021 jyly qurylǵan. Bir qatysýshylardyń jarnasy esebinen ekinshileri paıdaǵa kenelip, 14 adamǵa 15 mln jýyq zalal keltirilgen.

Qarjy monıtorıngi agenttigi osyndaı pıramıdalarǵa tartatyn alaıaqtardyń arbaýyna túsip qalmaý úshin óte saq bolý qajettigin kezekti márte qaperge beredi.

Eske salsaq, buǵan deıin Aqtóbede GAP dep atalatyn qarjy pıramıdasy áshkere boldy.



Uqsas jańalyqtar

Jańalyqtar

MURAǴAT