+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

BQO-da demalys jáne mereke kúnderi sulýlyq salondary men shashtarazdar jumys isteıtin boldy

2020 jylǵy 18 qyrkúıek 17:24
Bólisińiz:
BQO-da demalys jáne mereke kúnderi sulýlyq salondary men shashtarazdar jumys isteıtin boldy

ORAL. QazAqparat – BQO bas memlekettik sanıtar dárigeriniń jańa qaýlysyna sáıkes karantındik shekteý sharalary jeńildetildi, dep habarlaıdy QazAqparat tilshisi.

Uqsas jańalyqtar
Pavlodar polıtseıleri tórt toıdy toqtatty Aqtóbe polıtsııasy meıramhanadaǵy toıdy taratyp jiberdi Elordada karantın talaptaryn buzǵandarǵa 138 mln teńge aıyppul salyndy

BQO taýarlar men kórsetiletin qyzmetter sapasy men qaýipsizdigin baqylaý departamenti málim etkenindeı, 18 qyrkúıekten bastap teatrlar óz qyzmetin qaıta bastaıdy.

Ol úshin InfoKazakhstan.kz portalynda tirkelýi, tolymdylyǵy 50 paıyzǵa deıin, biraq 50 adamnan aspaýy tıis. Sondaı-aq maska rejımi men áleýmettik qashyqtyqty saqtaı otyryp, ashyq aýadaǵy kınoteatrlarǵa jumys jasaýǵa ruqsat berildi.

Memlekettik organdar men kvazımemlekettik sektor uıymdary (shtattyq kestede 30-dan astam qyzmetker bar jaǵdaıda) qyzmetkerleriniń keminde 50 paıyzy qashyqtan jumys jasap, jınalys, keńes, semınar, konferentsııalar selektorlyq rejımde jáne beınekonferentsbaılanys arqyly ótkizilýi kerek.

Saýda úıleri men ortalyqtary (pavılon, býtıkter), saýda jelileri, jabyq bazarlar jumysy sanıtarlyq talapty saqtaı otyryp, saǵat 10.00-den 22.00-ge deıin uzartyldy.

Qoǵamdyq tamaqtaný nysandaryna (saǵat 10.00-den 23.00-ge deıin) ashyq aýada (jazǵy alańdar) jáne úı-jaıda ujymdyq is-sharalardy ótkizbeı (50 orynǵa deıin, ústelder arasynda 2 metrden kem emes araqashyqtyqty saqtaýdy qamtamasyz etý, bir ústelge otyrýshylar sany 4 adamnan aspaýy tıis) jumys isteýge, sondaı-aq belgilengen ýaqyt aralyǵynda jetkizý jáne shyǵaryp berý qyzmetterin júzege asyrýǵa ruqsat

etildi.

Balalar túzetý kabınetteri, balalarǵa arnalǵan bilim berý ortalyqtary, balalardy damytý ortalyqtary, úıirmeler, balalarǵa arnalǵan kýrstar (15 adamnan aspaıtyn toptar),

jazylý boıynsha, saǵat 09.00-den 16.00-ge deıin, halyqqa qyzmet kórsetý nysandary: avtojýý, TQKS, avtokólikterdi jóndeý – saǵat 10.00-den 21.00-ge deıin, turmystyq

tehnıkany jóndeý jáne basqalary saǵat 10.00-den 18.00-ge deıin jumys isteı alady.

Saýda úıleri men ortalyqtarynyń (býtıkter, pavılondar), saýda jelileriniń (onyń ishinde ornalasqan azyq-túlik sýpermarketter men dárihanalardy qospaǵanda), jabyq azyq- túlik jáne azyq-túlik emes bazarlarynyń qyzmeti demalys jáne mereke kúnderi Qazaqstan Respýblıkasynyń eńbek zańnamasyna sáıkes burynǵysha toqtatyla turylady.

Degenmen kúsheıtilgen sanıtarlyq-dezınfektsııalyq is- sharalardy saqtaı otyryp, myna nysandar qyzmetine demalys jáne mereke kúnderi ruqsat berildi:

- sulýlyq salondary, shashtarazdar, kosmetologııalyq qyzmet kórsetetin nysandar (1 kelýshige keminde 4 sh.m. esebinde, aldyn ala jazylý boıynsha);

- fıtnes ortalyqtary, sporttyq-saýyqtyrý nysandary, jattyǵý zaldary, sport keshenderi, SPA-salondary, saýnalar, basseınder (tolymdylyǵy 30%-ǵa deıin, biraq 50 adamnan artyq emes, maska rejımin, áleýmettik qashyqtyqty saqtaý, aldyn ala jazylý boıynsha);

- ashyq aýadaǵy attraktsıondar (maska rejımin, áleýmettik qashyqtyqty saqtaý);

- dinı nysandar (meshitter, shirkeýler, soborlar, sınagogalar jáne t.b.) (jeke, ujymdyq is-sharalar ótkizbeı).

Qazirgi tańda óńirde koronavırýs boıynsha epıdemıologııalyq ahýal salystyrmaly túrde turaqty.

Oblysta 17 qyrkúıek kúni 3 adamnyń indetke shaldyqqany tirkelse, sonyń bireýi Bórli aýdanynan, ekeýi – Báıterekten.

Kúni búginge deıin barlyǵy 6833 adam aýyrsa, sonyń 6537-si jazylyp shyqty. 102 naýqas indetten kóz jumdy.

Syrqattanýshylyqtyń ósimi 17 qyrkúıekte 0,08 paıyzdy kórsetti.

Eske sala keteıik, budan buryn BQO-nyń Fedorov aýylynda karantın jarııalanǵanyn, óńirde emhanaǵa óz erkimen tirkelý naýqanynyń bastalǵanyn jazǵan bolatynbyz.





Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT