BQO-da bir kúnde 100-ge jýyq adamnan koronavırýs anyqtaldy

ORAL. QazAqparat – Batys Qazaqstan oblysynda ótken táýlikte 93 adamnan koronavırýs anyqtaldy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, jyl basynan beri 351 adamnan vırýs tabylsa, sonyń 14-i – balalar.

Pandemııa bastalǵannan beri syrqattanǵandar sany 40 421-ge jetti.

Oblysta COVID-19 dıagnostıkasy boıynsha 14 zerthana jumys isteıdi. Sońǵy táýlikte 1774 zertteý júrgizildi.

Kúni búgin 504 tósektik 8 ınfektsııalyq statsıonarda jatqan 58 naýqastyń úsheýi aýyr halde. Olardyń bireýi ınvazıvti jasandy tynys alý apparatyna, ekeýi ınvazıvti emes osyndaı qurylǵyǵa qosylǵan.

Basqarmadan túsken málimetke qaraǵanda, 257 350 adam (egilýge jatatyn turǵyndardyń 62,1 paıyzy) vaktsınanyń birinshi, 244 349-y (59 paıyz) ekinshi komponentimen egildi.

Oblys boıynsha 21 923 adam revaktsınatsııadan ótti. Sondaı-aq 5941 adam Pfizer vaktsınasyn saldyrsa, sonyń 3148-i – jasóspirimder, 205-i – júkti, 2588-i – bala emizetin áıelder.

Eske sala keteıik, budan buryn Batys Qazaqstanda 6 myńǵa jýyq adamnyń Pfizer vaktsınasyn saldyrǵanyn jazǵan bolatynbyz.

Sondaı-aq BQO-da alǵash ret jańa apparatpen kúrdeli kóz otasy jasaldy.