BQO-da áıel adam júrgizgen avtokólik aýdarylyp, jolaýshysy ekeýi kóz jumdy
2022 jylǵy 11 tamyz 21:16

BQO-da áıel adam júrgizgen avtokólik aýdarylyp, jolaýshysy ekeýi kóz jumdy

ORAL. QazAqparat – Batys Qazaqstan oblysynda 49 jastaǵy áıel rólinde bolǵan avtokólik aýdarylyp, eki adam kóz jumdy, dep habarlaıdy QazAqparat tilshisi.

BQO polıtsııa departamenti jergilikti polıtsııa qyzmeti basqarmasynyń bastyǵy, polıtsııa podpolkovnıgi Mırhat Ájenov málim etkendeı, oqıǵa keshe saǵat 13:00-de Samara-Shymkent jolynyń 444-shaqyrymynda boldy.

Onyń sózine qaraǵanda, «Lada Granta» avtokóligin aıdap kele jatqan 1973 jylǵy áıel rólge ıe bola almaı, aýdarylǵan. Sonyń saldarynan júrgizýshiniń ózi men avtokólikte otyrǵan 18 jastaǵy jigit oqıǵa ornynda qaza tapty. Olardyń deneleri sot-medıtsınalyq saraptamaǵa jiberildi.

Qazirgi kezde QR QK 345-baby 4-bóligine sáıkes sotqa deıingi tergeý amaldary bastaldy.

«Elimizde jol-kólik oqıǵalarynyń jıilep ketýine baılanysty QR Іshki ister mınıstrliginiń nusqaýyna sáıkes 19 shilde – 18 tamyz aralyǵynda oblys aýmaǵynda «Qaýipsiz jol» jedel aldyn alý is-sharasy júrip jatyr. Osy is-shara barysynda 23 kúnde 9 032 ákimshilik quqyqbuzýshylyq, sonyń ishinde kólikti mas kúıinde júrgizgen 119 júrgizýshi anyqtaldy», - dedi M. Ájenov.

Bıylǵy jeti aıda óńirde 164 jol-kólik oqıǵasy tirkelip, saldarynan 56 adam mert boldy, 203 adam túrli jaraqat aldy.

Eske sala keteıik, Batys Qazaqstanda jol apatynan eki adamnyń qaza tapqanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT