BQO-da avtokólik aýdarylyp, eki adam aýrýhanaǵa jetkizildi

ORAL. QazAqparat - Batys Qazaqstan oblysynda avtokólik aýdarylyp, eki adam aýrýhanaǵa jetkizildi, dep habarlaıdy QazAqparat tilshisi.

Uqsas jańalyqtar

Almatyda mas júrgizýshi tórt adamdy qaǵyp ketti

BQO-da polıtsııa qyzmetkeri qaǵyp ketken er adam kóz jumdy Jol apatynda adam ólimin qalaı azaıtýǵa bolady – Ońtústik Koreıa tájirıbesi Atyraýda jeńil kólikpen soqtyǵysqan mototsıkl júrgizýshisi ajal qushty

BQO TJ departamentiniń baspasóz qyzmetinen túsken málimetke qaraǵanda, oqıǵa 17 qarasha kúni tańǵy saǵat 07.30 shamasynda boldy.

Chapaev-Jańaqala jolynda Jańaqala aýdany Qyzyloba aýyly tusynda «Toıota Land Krýzer» avtokóligi aýdaryldy.

Oqıǵa ornynan trassalyq-medıtsınalyq qutqarý beketiniń kúshimen (4 adam, 1 tehnıka) túrli jaraqat alǵan 1982 jylǵy áıel men 2015 jylǵy bala Aqjaıyq aýdandyq ortalyq aýrýhanasyna jetkizildi.

Qazirgi kezde oqıǵanyń jaı-japsary anyqtalý ústinde.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, 1982 jylǵy júrgizýshi er adamǵa Qyzyloba feldsherlik-akýsherlik pýnkti Tórtqulaq medıtsına pýnkti qyzmetkerleri alǵashqy medıtsınalyq kómek kórsetti. Ol Jańaqala aýdandyq aýrýhanasyna barýdan bas tartty. 4 jasar er bala jabyq bas-mı jaraqatyn alǵan, mıyna zaqym kelgen. 37 jastaǵy áıel synyq jaraqatyn alǵan.