+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

BQO-da aýyldasyn asa qatygezdikpen óltirgen turǵyn 14,5 jylǵa sottaldy

2020 jylǵy 23 mamyr 07:30
Bólisińiz:
BQO-da aýyldasyn asa qatygezdikpen óltirgen turǵyn 14,5 jylǵa sottaldy

ORAL. QazAqparat – Batys Qazaqstan oblysynda aýyldasyn asa qatygezdikpen óltirgen turǵyn 14,5 jylǵa sottaldy, dep habarlaıdy QazAqparat tilshisi.

BQO qylmystyq ister jónindegi mamandandyrylǵan aýdanaralyq sotynan túsken málimetke qaraǵanda, is beınebaılanys júıesi arqyly qaraldy.

Sot úkimimen G.Sarbasov QR QK 99-baby 1-bólimine (adam óltirý) sáıkes aıypty dep tanyldy.

Sot úkim shyǵarǵan kezde G.Sarbasovtyń jazasyn aýyrlatatyn mán-jaılardy, sonyń ishinde únemi araq ishetinin, buryn jeti márte isti bolyp, jazasyn ótese de, túzelý jolyna túspegenin eskerip, 14 jyl 6 aıǵa bas bostandyǵynan aıyrdy.

Sonymen qatar sottalýshynyń áreketinde qylmystyń qaýipti qaıtalanýy tanylyp, oǵan jazasyn qaýipsizdigi tótenshe qylmystyq-atqarý júıesi mekemesinde óteý taǵaıyndaldy.

Sot úkimi kúshine engen joq.

Sot talqysynda anyqtalǵanyndaı, ótken jyly 25 qazan kúni saǵat 23.30 shamasynda G.Sarbasov nemere inisi M.Sarbasovpen birge Báıterek aýdany Rýbejka aýyly Mırnaıa kóshesinde turatyn B.Nurǵadilov pen onyń azamattyq nekedegi áıeli R.Kárimovanyń úıine araq ishý úshin kelgen.

Sol túni, ıaǵnı 26 qazanda saǵat 00.30 shamasynda asúıdegi otyrys barysynda G.Sarbasov R.Kárimovaǵa tıisken. Oǵan arasha túsken úı ıesi B.Nurǵadilov pen G.Sarbasovtyń arasynda kelispeýshilik týyndaǵan.

Sodan keıin B.Nurǵadilov R.Kárimovaǵa jatyn bólmege ótýin surap, ózi artynan ergen. Osy kezde G.Sarbasov mas kúıinde R.Kárimovany qyzǵanyp, qolyna oryndyq alyp, B.Nurǵadilovtiń jelkesinen uryp, qulatqan. Sosyn ústine otyryp, pyshaqpen moıyn tusyna kóptegen soqqy jasaǵan. B.Nurǵadilov alǵan jaraqattary saldarynan sol jerde jan tapsyrǵan.

Sotta G.Sarbasovtyń kinási tolyq dáleldendi.

Eske sala keteıik, budan buryn BQO-da aǵasyn óltirgen turǵynnyń 11 jylǵa sottalǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT