BQO-da aýa raıyna baılanysty eskertý jarııalandy

ORAL. QazAqparat – Batys Qazaqstan oblysynda tuman túsip, jel kúsheıedi, dep habarlaıdy QazAqparat tilshisi.

«Qazgıdromet» RMK BQO fılıalynyń málimeti boıynsha 16 qańtar kúni oblystyń keı jerlerinde qalyń tuman túsip, jel ońtústik-batystan soǵady.

Kúndiz jeldiń jyldamdyǵy sekýndyna 15-20 metrge deıin jetýi yqtımal.

Oblys ortalyǵy Oral qalasynda jeldiń ekpini 18 metrge jetedi.

Osyǵan baılanysty BQO TJ departamenti eskertý jarııalanyp, turǵyndarǵa habarlanyp jatqandyǵyn jetkizdi.

Eske sala keteıik, budan buryn óńirde jel kúsheıip, boran soǵatynyn jazǵan bolatynbyz.