+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

BQO-da 10 myńnan astam volonter turǵyndarǵa kómektesip júr

2020 jylǵy 30 mamyr 02:18
Bólisińiz:
BQO-da 10 myńnan astam volonter turǵyndarǵa kómektesip júr

ORAL. QazAqparat – Batys Qazaqstan oblysynda 10 myńnan astam volonter áleýmettik mańyzy joǵary jobalardy júzege asyrýǵa qatysyp, uıymdar men turǵyndarǵa tegin kómektesip keledi, dep habarlaıdy QazAqparat tilshisi.

BQO ákimdigi málim etkenindeı, «Aqjaıyq volonterleri» volonterlik korpýsy oblystyq jastar saıasaty máseleleri jónindegi basqarmanyń qoldaýymen 2017 jyly qurylǵan.

Korpýsqa óńirdegi barlyq eriktiler klýbtary, uıymdar men toptar kiredi, olardyń quramynda mektep oqýshylarynan bastap jumysshy jastarǵa deıin bar.

Volonterlerdiń biryńǵaı bazasyn qurý maqsatynda volunteer07.kz saıty jumys jasaıdy. Volonterler «Medıtsına», «Ekologııa», «Áleýmettik kómek», «Medıa», «Mádenıet», «Sport», «Donor» sekildi barlyǵy 15 baǵyt boıynsha qyzmet atqarady.

BQO jastarmen jumys jónindegi resýrstyq ortalyǵynyń basshysy Meıirbek Nurkenniń aıtýynsha, óńirde 60 volonterlik top jáne 10 myńnan astam erikti jumys isteıdi.

Tótenshe jaǵdaı kezinde jáne qazirgi karantın ýaqytynda eriktilerdiń qatysýymen oblys turǵyndaryna azyq-túlik pen dári-dármek túrinde kómek kórsetildi. Oblys ortalyǵy men aýdandarda 5 myńdaı otbasy azyq-túlik sebetterin aldy. 80 myńnan astam kóprettik betperde tigilip, adamdar kóp jınalatyn jerlerde tegin taratyldy.

«Sońǵy kezde oblys turǵyndary arasynda koronavırýs indetiniń keń etek alýy jastardy da alańdatyp otyr. Sondyqtan volonterler sanıtarlyq talaptardy saqtaý jóninde turǵyndarmen túsinik jumystaryn júrgizýde. Olar qoǵamdyq kólik pen saýda ortalyqtarynda karantındik talaptardyń saqtalýyn baqylaýda. Sondaı-aq Oral qalasy taýarlar men kórsetiletin qyzmetterdiń sapasy men qaýipsizdigin baqylaý basqarmasynyń mamandarymen birge «Jastar baqylaýy» sharasyn jalǵastyrýda», dedi QazAqparat tilshisine M.Nurken.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT