BQO ákiminiń jańa orynbasary taǵaıyndaldy

ORAL. QazAqparat – QR Prezıdenti Ákimshiligi kelisimimen Tımýrjan Ádıetuly Shákimov Batys Qazaqstan oblysy ákiminiń orynbasary bolyp taǵaıyndaldy, dep habarlaıdy QazAqparat tilshisi.

Uqsas jańalyqtar

Qyzylorda oblystyq eńbek salasyndaǵy baqylaý basqarmasyna jańa basshy keldi

Jambyl oblysyndaǵy Sarysý aýdanyna jańa ákim taǵaıyndaldy Túrkistan oblysynda komıssııa sheshimimen jumystan bosatylǵan dáriger bólim meńgerýshiligine taǵaıyndaldy Shal aqyn aýdanyna jańa ákim taǵaıyndaldy - SQO

Oblys ákiminiń baspasóz qyzmetinen túsken málimetke qaraǵanda, Tımýrjan Ádıetuly 1962 jyly dúnıege kelgen.

Bilimi joǵary. A.Mıkoıan atyndaǵy Kýıbyshev ınjenerlik-qurylys ınstıtýtyn ınjener-qurylysshy mamandyǵy boıynsha bitirgen.

Eńbek jolyn Kamen (qazir Tasqala) aýdanyndaǵy Lenın atyndaǵy keńsharda qurylys ýchaskesiniń sheberi, proraby qyzmetterinen bastady.

Ár jyldary «Kaztorgstroı» tresi Oral qurylys ýchaskesiniń bas ınjeneri, BQO ınfraqurylym jáne qurylys basqarmasynyń basshysy – bas sáýletshi, QR Indýstrııa mınıstrligi Qurylys jáne turǵyn úı-kommýnaldyq sharýashylyq isteri komıteti basqarmasynyń basshysy, Batys Qazaqstan jáne Atyraý oblysy ákimderiniń orynbasary boldy.

Jańa orynbasar energetıka, turǵyn úı-kommýnaldyq sharýashylyǵy, sáýlet jáne qurylys, jolaýshylar kóligi jáne avtomobıl joldary salalaryna jetekshilik etetin bolady.

Buǵan deıin oblys ákiminiń orynbasary qyzmetin atqarǵan Baǵdat Azbaev óz erkimen jumystan bosap, elordalyq iri kompanııalardyń biri – «Astana Tazalyq» JShS-nyń basshysy qyzmetine aýysty.