+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

BQO ákimi óńirdegi blokposttardyń jumysymen tanysty

2020 jylǵy 4 sáýir 12:46
Bólisińiz:
BQO ákimi óńirdegi blokposttardyń jumysymen tanysty

ORAL. QazAqparat – Batys Qazaqstan oblysynyń ákimi Ǵalı Esqalıev Aqjaıyq aýdanynda bolyp, óńirdegi blokposttardyń jumysymen tanysty, dep habarlaıdy QazAqparat tilshisi.

Oblysta kúsheıtilgen karantın rejımi engizilýine baılanysty barlyǵy 90-ǵa jýyq blokpost qoıylsa, sonyń altaýy Aqjaıyq aýdanynda.

Atap aıtqanda, tosqaýyl beketteri Shabdarjap aýylynyń tusynda, Alǵabas, Jaıyq ózeniniń sol jaq betinde Sarytoǵaıdyń tusynda, Chapaev aýylyndaǵy qalqymaly kópiri tusy men Kaztalov baǵytyndaǵy tasjol boıynda jáne Chapaevtan Jańaqala baǵytyndaǵy tasjolda ornatylǵan.

Ár blokpostta aýysymmen 2 brıgada qyzmet atqarady. Atyraý oblysymen shekaradaǵy Shabdarjap aýylyndaǵy jáne Alǵabas aýylynyń tusyndaǵy blokposttarda 4 sanıtarlyq dáriger jáne 6 mıgratsııalyq, ýchaskelik, patrýldik polıtsııa ınspektorlary qyzmet atqarýda.

Blokposttaǵy qyzmetkerler patrýldik avtokólikpen, qarý-jaraqpen, betperdemen, avtokólikti tirkeýge arnalǵan jýrnalmen, anketa paraqtarymen jáne basqa da qajetti qural-jabdyqtarymen (teplovızer, antıseptıktermen) qamtylǵan. Beketterdiń aldynda tıisti jol belgileri qoıylǵan.

Shabdarjap aýyly tusyndaǵy blokposttan barlyǵy 5176 avtokólik (jeńil kólik – 2733, jolaýshy tasymaldaýshy kólik – 95, júk kóligi – 2318) ótken. Post qyzmetshileri 13845 adamdy tekseristen ótkizgen. Sońǵy táýlik ishinde blokpost arqyly Shabdarjap aýyly boıyndaǵy blokposttan 285 mashına júrgen. Orta eseppen alǵanda atalǵan tasjoldan kúnine 250-ge jýyq avtokólik júrip ótedi eken.

-Aqparattyq jumystardyń arqasynda eki oblys arasyndaǵy jeńil kólikterdiń sany aıtarlyqtaı azaıǵanyn baıqaımyz. Ótip jatqan barlyq azamattar tekserilip, saýalnama toltyryp jatyr, - dedi Aqjaıyq aýdandyq polıtsııa bóliminiń bastyǵy Ertas Bısenov.

Oblys ákimi atalǵan blokpost boıynsha turǵyndar tarapynan jıi kólik keptelisi oryn alatyny týraly shaǵym kelip túskenin aıtty. Polıtsııa qyzmetkerleriniń aıtýynsha, keptelis aýysymmen jumys isteıtin adamdardyń blokpostty bir ýaqytta kesip ótý kezinde oryn alǵanyn jetkizdi. Eki oblys shekarasynan ótetin adamdardyń kóbi Aqtóbe oblysynyń azamattary eken.

«Barlyq tekserýlerden keıin olardy patrýldik avtokólikpen oblys aýmaǵynan shyǵaryp salamyz. Bizde beketti aınalyp ótý áreketi de anyqtaldy. Quqyq buzýshy ustalyp, hattama toltyryldy. Qyzý kóterilý jáne basqa da aýrý belgileri anyqtalǵan jaǵdaıda biz shuǵyl túrde jedel járdem qyzmetin shaqyramyz», - dedi polıtsııa qyzmetkerleri.

Tekserý barysynda oblys ákimi polıtsııa jáne taýarlar men kórsetiletin qyzmetter sapasy men qaýipsizdigin baqylaý basqarmasynyń qyzmetkerleri júrgizetin jumystyń mańyzdylyǵyna toqtalyp, tekserýlerdi barynsha muqııat júrgizý kerektigin atap ótti.

«Naqty saýalnama júrgizip, jazylǵan málimetterdi tolyq qadaǵalap otyrsaq, oblys aýmaǵynda syrqattanǵandardy anyqtaý jeńil bolady. Sonyń nátıjesinde biz aýrý juqtyrǵan adam bola qalǵan jaǵdaıda onyń oblysqa qaıdan kelgenin anyqtap, baılanysta bolǵan adamdardy tez taba alamyz. Turǵyndarǵa túsindirme jumystaryn muqııat júrgizip, olardyń saýalnama toltyrý kezinde jeke jaýapkershilikteri týraly esterine salyp otyrýdyń mańyzy zor», - dedi óńir basshysy blokposttaǵy qyzmetkerler brıgadasyna.

Eske sala keteıik, budan buryn BQO-da tótenshe jaǵdaı talabyn buzǵan aqtóbelik turǵynnyń qamaýǵa alynǵanyn jazǵan bolatynbyz.

Sondaı-aq Oralda arba súıregen er adam 9 qabatty úıdiń tóbesinde serýendegen.

Óńirde shekteý sharalary engizilgennen beri 88 adam jaýapqa tartyldy.

Karantın rejımin buzǵan turǵyn da ustaldy.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT