+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Bıznestiń jol kartasy: Arhımed Muhambetov baǵdarlamany túsindirmegen ákimderdi synady

2020 jylǵy 24 aqpan 15:47
Bólisińiz:
Bıznestiń jol kartasy: Arhımed Muhambetov baǵdarlamany túsindirmegen ákimderdi synady

QOSTANAI. QazAqparat – Qostanaı oblysynda shaǵyn jáne orta kásipkerlikti damytý baǵdarlamalarynan tys qalǵan aýdandar anyqtaldy, dep habarlaıdy QazAqparat.

Oblys ákimdiginde ótken apparat májilisinde kásipkerlikti damytý másleleri talqylandy. Kásipkerlik jáne ındýstrııalyq-ınnovatsııalyq damý basqarmasynyń basshysy Oljas Saparbekovtiń aıtýynsha, keıbir aýdandar men qalalar shaǵyn jáne orta kásipkerlikti damytý isine nemquraıly qaraıdy. Máselen, Jitiqara, Uzynkól, Qarasý, Denısov, Meńdiqara, Jangeldın aýdandary jáne Lısakov qalasynyń shaǵyn jáne orta bıznes baǵytynda birde-bir jobasy iske asyrylmaǵan. Basqarma basshysy muny baǵdarlama tetikteriniń durys túsindirilmeýimen baılanystyrdy.

«Qujat jınaýda birizdilik joq. Negizi árbir ótinimdi muqııat óńdeý qajet. Aýdandardan kelgen jobalar túrli sebeptermen qarjy ınstıtýttaryna jete almaıdy. Kepilge qoıatyn múlik, nesıe tarıhynyń jaqsy bolýy bankte ótinimdi qaraý kezinde mańyzdy ról atqarady. Kásipkerlerdiń kóbi muny bile bermeıdi. Keı aýdandarda «Bıznestiń jol kartasy-2025» baǵdarlamasynyń oryndalý barysy tómen. Bul nátıjesi jaqsy aýdandardyń jetistikterin joqqa shyǵaryp jiberedi. Saldarynan oblystyq kórsetkish tómendeıdi», - dep túsindirdi Oljas Saparbekov.

Keńes qorytyndysynda oblys ákimi aýdan jáne qala basshylaryna kásipkerler jumysyn jandardyrýdy, aqparattyq-túsindirý jumystaryn kúsheıtýdi tapsyrdy. Sondaı-aq kásipti damytý baǵdarlamasyna qujat tapsyrmaǵan aýdandardyń ákimderin synǵa aldy.

«Shaǵyn jáne orta bıznesti damytý baǵdarlamasynyń oryndalýy kóńil kónshitpeıdi. Birinshi kezekte jergilikti ákimderdiń jetkilikti deńgeıde jumys istemeı otyrǵanyn kórsetedi. Joǵarydan nusqaý kútip otyrýdyń qajeti joq. Bizge naqty nátıje qajet. Sondyqtan, aýdan ákimderine bir apta ýaqyt beremin. Shuǵyl túrde jıyn ótkizip, osy máseleni talqylańyzdar», - dedi Arhımed Muhambetov.

Buǵan deıin oblystaǵy «Qarapaıym zattar ekonomıkasy» salalyq baǵdarlamasynyń damý barysy týraly habarlaǵan edik.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT