Bıznesmen Messı men Ronaldýdyń qatysýymen ótetin matchqa 2,5 mln eýroǵa bılet satyp aldy
ASTANA. QazAqparat – Bıznesmen Mýshraf al-Gamdı Messı men Ronaldýdyń qatysýymen ótetin matchqa 2,5 mln eýroǵa bılet satyp aldy, dep habarlaıdy QazAqparat tilshisi.
Shampionat.com saıtynan alynǵan málimetke qaraǵanda, «PSJ» (Parıj) men Saýd Arabııasynyń «Al-Nasr» jáne «Al-Hılıal» birikken komandasy arasynda oıyn 19 qańtar kúni keshkisin Er-Rııadta ótedi.
Saýd Arabııasy oıyn-saýyq isteri jónindegi bas basqarmasynyń tóraǵasy Týrkı Al ash-Sheıhtiń áleýmettik jelide málim etkenindeı, bılet qarjysy Ehsan memlekettik qaıyrymdylyq qoryna túsedi. Bılet al-Gamdıge básekeni VIP-aımaqtan tamashalaýǵa, sondaı-aq oıynnan soń fýtbolshylar sheshinetin jerge kirip, Lıonel Messı jáne Krıshtıaný Ronaldýmen kezdesýine múmkindik beredi.
Ronaldý osyǵan deıin jańa klýby quramynda birde-bir ret kezdesýge qatyspasa da, oıynǵa kapıtan bolyp shyqpaqshy. Sonymen qatar saýdııalyq birikken komandada basqa da ataqty fýtbolshylar óner kórsetpekshi.
L'Équipe basylymynyń jazýynsha, quramynda Messı bar «PSJ» osy match úshin 10 mln eýro tappaqshy.
K.Ronaldý men L.Messı jasyl alańda sońǵy ret 2020 jyldyń jeltoqsanynda kezdesken edi. Onda «ıÝventýs» Chempıondar lıgasynda «Barselonany» 3:0 esebimen jeńip, portýgalııalyq shabýylshy qos goldyń avtory atanǵan bolatyn.
Eske sala keteıik, budan buryn «Barselonanyń» Ispanııanyń sýperkýbogin jeńip alǵanyn, Londonnyń «Arsenaly» óz tarıhynda alǵash ret 18 matchta kóp upaı jınaǵanyn jazǵan edik.
Foto: Getty Images
