Bizdi úlken ózgerister kútip tur – Aıdos Úkibaı

NUR-SULTAN. QazAqparat - Nur Otan partııasynyń aldynda úlken mindetter tur. QR Tuńǵysh Prezıdenti-Elbasynyń baspasóz hatshysy Aıdos Úkibaı Twitter-degi paraqshasynda osylaı dep jazdy.
«Búgin Nur Otan partııasynyń Saıası keńesiniń keńeıtilgen otyrysy ótedi. Sharaǵa Elbasy Nursultan Nazarbaev tóraǵalyq etedi. Partııa aldyna úlken mindetter qoıylmaq. Bizdi úlken ózgerister kútip tur»,-dep jazdy Aıdos Úkibaı.
Esterińizge sala ketsek, 16 tamyzda «Nur Otan» partııasynyń lıderi Nursultan Nazarbaev 21 tamyz kúni Úkimettiń, partııanyń Parlament Májilisindegi fraktsııasynyń jáne óńir basshylarynyń qatysýymen ótetin partııanyń Saıası keńesiniń keńeıtilgen otyrysyn shaqyrý týraly qaýlyǵa qol qoıǵan bolatyn.
Sol kúni Qazaqstannyń Tuńǵysh Prezıdenti Nursultan Nazarbaev «Nur Otan» partııasynyń Saıası keńesi Bıýrosynyń otyrysyn ótkizip, partııalastarynyń aldynda qandaı mindetter turǵanyn ataǵan edi.
Otyrys barysynda partııa baǵdarlamalarynyń oryndalý barysy men aldaǵy kezeńge arnalǵan jumystyń basym baǵyttary qaraldy.
Elbasy barlyq azamattardy memlekettiń ótkir áleýmettik-ekonomıkalyq problemalaryn sheshý úshin partııaǵa qosylýǵa shaqyrdy. El aımaqtaryndaǵy azamattardyń problemalaryn sheshýde «Nur Otan» partııasynyń jumysyn jandandyrý qajettigin atap ótti. Sonymen qatar, «Nur Otan» partııasynyń tóraǵasy Qoǵamnyń partııaǵa senimin arttyrý maqsatynda aqparattyq-ıdeologııalyq strategııany qabyldaýdyń mańyzdylyǵyna nazar aýdardy.
- Qazaqstannyń Tuńǵysh Prezıdenti astana ákimi Altaı Kólginovti qabyldady
- Ádilet mınıstrligi 2020 jyly qansha partııany tirkeýden bas tartty
- Nur Otan partııasynyń aımaqtyq fılıaldarynda birqatar aýys-túıis boldy
- Elordada Elbasyǵa ártúrli eldiń dıplomattary syılaǵan eksponattar kórmesi ótti
-
Nursultan Nazarbaev Dmıtrıı Medvedevpen telefon arqyly sóılesti
-
Elbasy belgili akter Álimǵazy Raıymbekovtiń týystaryna kóńil aıtty
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam