+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Bizde ıgerilmeı jatqan latıfýndısterdiń menshigindegi jerler kóp - Oljas Syzdyqov

2020 jylǵy 22 qyrkúıek 23:19
Bólisińiz:
Bizde ıgerilmeı jatqan latıfýndısterdiń menshigindegi jerler kóp - Oljas Syzdyqov

KÓKShETAÝ. QazAqparat - Qazaqstanda aýyl sharýashylyǵy jerleriniń tapshylyǵy qoldan jasalyp otyr. Bul týraly Kókshetaýda «Aqmola oblysyndaǵy aýyl kásipkerleriniń máselesi jáne agroónerkásip salasynda otandyq ónim óndirýshiler men qaıta óndeýshilerdi qoldaý sharalary qajettigi týraly» taqyrybymen onlaın ótken dóńgelek ústelde aıtyldy, dep habarlaıdy QazAqparat tilshisi.

Qazaqstannyń kommýnıstik halyq partııasynyń (QKHP) Aqmola oblystyq komıteti uıymdastyrǵan sharaǵa jergilikti fermerler, sharýa qojalyqtarynyń basshylary men taýar óndirýshiler, prokýratýra, «Atameken» kásipkerler platasy jáne jer qatynastary basqarmasynyń ókilderi qatysty.

«Asat» sharýa qojalyǵynyń basshysy Murat Moldahmetovtyń aıtýynsha, otandyq agrarly salanyń áleýetin kóterýde biraz másele bar.

«Sońǵy eki-úsh jyl ishinde biraz kemshilikter oryn aldy. Birinshi kezekte agroónerkásip sýektilerine aýyl sharýashylyǵy jerlerin bólýde», - deıdi ol. – Jer telimderi baqylaýsyz, iri kólemde úlken fırmalarǵa bólindi. Onyń kólemi 1 mıllıon gektardan asady. Bıyldyń ózinde onyń jartysynan astamyna tuqym sebilmegen.

Sharýa qojalyǵynyń basshysy mysal retinde Zerendi aýdanyndaǵy jaǵdaıdy aıtty. 33 gektar egistik alqaptyń 18 myń gektaryna tuqym sebilipti. Al qalǵandary jalǵa berilgen nemese aramshóp basyp ketken.


Osy rette, QKHP Aqmola oblystyq komıtetiniń birinshi hatshysy Oljas Syzdyqov atap ótkendeı, resýrstardyń osylaı bólinýi saldarynan naqty mal sharýashylyǵymen aınalysyp jatqan sharýalar jaıylymdyq jer tappaı qınalǵan.

«Búgingi kúni bizde ıgerilmeı jatqan latıfýndısterdiń menshigindegi jerler kóp. Memleket basshysy osy salada tártip ornatýǵa shaqyryp otyr. Taldaý jáne baqylaý júıesin qataıtý kerek», - dedi kommýnıst.

Sonymen birge, jıynda agrarlyq salaǵa sýbsıdııa bólý, qazaqstandyqtardyń otandyq taýar óndirýshiler shyǵaratyn aýyl sharýashylyǵy taýarlaryn áleýmettik baǵaǵa alýy úshin azyq-túlik vaýcherin qurý týraly máseleler aıtyldy.



Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT