+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

#BizBirgemiz: Nurotandyqtar 40 myńnan astam balany mektepke daıarlaýǵa kómektesti

2021 jylǵy 10 qyrkúıek 16:19
Bólisińiz:
#BizBirgemiz: Nurotandyqtar 40 myńnan astam balany mektepke daıarlaýǵa kómektesti

NUR-SULTAN. QazAqparat - Nur Otan bastaýysh partııa uıymdarynyń músheleri jyl saıynǵy «Balany mektepke daıarlaıyq» aktsııasy aıasynda jańa oqý jylyna 40 myńnan astam balany daıarlaýǵa kómektesti, dep habarlaıdy QazAqparat partııanyń baspasóz qyzmetine silteme jasap.

Partııanyń baspasóz qyzmetiniń habarlaýynsha, kópbalaly jáne tolyq emes otbasylardyń balalaryna, sondaı-aq erekshe bilim berý qajettiligi bar balalar úshin elimiz boıynsha keńse taýarlary, mektep jáne sport kıimi, sómke jáne basqa da qajetti zattar satyp alyndy.

Sonymen, partııanyń Ortalyq apparaty bastaýysh partııalyq uıymynyń músheleri bıyl jalpy somasy 1,2 mln teńgege 67 balaǵa kómek kórsetti. Al, elimiz boıynsha nurotandyqtar jalpy somasy 593,4 mln teńgege 41 558 balany mektepke daıyndaýǵa kómektesti.

«Aramyzda osyndaı janashyr partııalastarymyzdyń kóp bolǵany qýantady. Bizdiń kúshimiz – birlikte! Osyndaı ıgi isteri úshin barlyq partııalastaryma alǵysymdy bildiremin. Balalarǵa búgingi kúni jasaǵan qamqorlyq – olardyń erteńgi kúni elimizge laıyqty azamat bolyp ósýine qosqan úlesimiz. Osy aktsııanyń uıytqysy – «Baqytty otbasy» partııalyq jobasy», – dep atap ótti Ortalyq apparattyń BPU tóraǵasy Arystanǵalı Aryn.

Jalpy, onyń aıtýynsha, Nur Otan balalardy qorǵaý jáne otbasy ınstıtýtyn qoldaý máselelerine jiti kóńil bólip otyrady.

Bıylǵy jyldyń birinshi jartyjyldyǵynda «Baqytty otbasy» jobasy aıasynda ómirlik qıyn jaǵdaıda júrgen 136 myńnan astam otbasyǵa ataýly áleýmettik kómek kórsetildi. Az qamtylǵan otbasylardan shyqqan 17 myńnan astam bala basseınder men sport klýbtaryna tegin barý múmkindigine ıe boldy. Toǵyz oblysta 545 tegin úıirme jáne 135 myńnan astam balaǵa arnalǵan 70 aýla klýby ashyldy.

Sondaı-aq, partııa janynda Otbasy, áıelder jáne balalardyń quqyqtaryn qorǵaý máseleleri jónindegi respýblıkalyq qoǵamdyq keńes, «111 jedel qyzmeti» arnaıy baılanys ortalyǵy, sondaı-aq 2,3 myńnan astam jedel áreket etý toby belsendi jumys isteıdi. 2025 jylǵa deıin ár qala men aýdanda ómirlik qıyn jaǵdaıǵa tap bolǵan otbasylar men balaly analardy qoldaý boıynsha 234 ortalyq ashylady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT