+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Biz jastardyń armanyna jetýine kómektesip jatyrmyz - Baqytjan Saǵyntaev

2019 jylǵy 16 qarasha 14:48
Bólisińiz:
Biz jastardyń armanyna jetýine kómektesip jatyrmyz - Baqytjan Saǵyntaev

ALMATY. QazAqparat – Almaty ákimi Baqytjan Saǵyntaev QR Tuńǵysh Prezıdenti – Elbasy qorynyń atqarýshy dırektory Áset Isekeshevpen birge Almatyda «El úmiti» daryndy jastar forýmynyń estafetasyn qabyldady, dep habarlaıdy QazAqparat tilshisi.

Uqsas jańalyqtar
Jastar jyly: Elordanyń úzdik jastary anyqtaldy Nur-Sultanda «Elorda jastary syılyǵy» baıqaýy ótip jatyr Almatyda Kásipodaqtar federatsııasynyń uıymdastyrýymen jastar forýmy ótti

«El úmiti» jobasy elimizdegi myńdaǵan talantty, daryndy, qolynan is keletin jastardy irikteýge kómektesedi. Olar óz úlgisimen qurdastaryn tabysqa umtylýǵa jetelep, jetistikke jetý tájirıbesin bólisedi, ózine senimdi bolýǵa kómektesedi.


«Árqaısymyzdyń tabysqa jetý oqıǵalarymyzǵa toqtalatyn bolsaq, elimizdegi barlyq jastar únemi ózimen jumys istep, jańa daǵdylardy meńgerip, belsendi bolýy kerek. Óz taǵdyryńyzdy qolyńyzǵa alyp, kóshbasshy bolýǵa umtylyńyz, aldyńyzǵa maqsat qoıyp, bıik shyńdardy baǵyndyryńyz», - dedi Almaty ákimi Baqytjan Saǵyntaev forým qatysýshylaryna.


Almatyda 700 myń jas bar, ıaǵnı qaladaǵy árbir úshinshi turǵyn – jas adam. Olardyń ishinde 230 myńy – stýdentter. Olar 39 joǵary oqý ornynda jáne 81 kolledjde bilim alyp jatyr.

«Daryn men kúsh-qýat, kreatıvti oılaý qabileti - qaladaǵy eń myqty basymdyq. Biz muny baǵalaımyz. Almaty jastardyń máselesin sheship jatyr: jumyspen qamtyp, kásibı daǵdylar berýde, bıznes-bastamalardy qoldaýda. Qalamyzdy jas urpaq «almatylyq armanyna» qol jetkizetindeı etip damytamyz», - dep atap ótti qala ákimi.



Qazaqstan qalalarynda uıymdastyrylyp jatqan marafon ekinshi ret ótkizilýde. Alǵashqysy 3 qarashada Aqtóbede batys oblystardaǵy jastar úshin uıymdastyryldy.

Sharanyń ashylýynda QR Tuńǵysh Prezıdenti – Elbasy qorynyń atqarýshy dırektory Áset Isekeshev Elbasy Nursultan Nazarbaevtyń «El úmiti» bastamasynyń negizgi maqsaty - elimizdegi barlyq qalalar men aýyldardaǵy, túrli salalardaǵy daryndy jastar men balalardy anyqtaý jáne olarǵa qoldaý kórsetý ekenin atap ótti.


«El úmiti» bastamasy aıasynda úzdik bilim resýrstary, testiler, servıster jınaqtalady. Olar barlyǵyna tegin qoljetimdi bolmaq. Munymen birge Qazaqstanda jáne shetelde taǵylymdamalar, joǵary oqý oryndaryna túsý úshin granttar, aýyldyq jerlerdegi balalar úshin, daryndy balalarǵa jáne olımpıada jeńimpazdary úshin arnaıy baǵdarlamalar, sondaı-aq ǵylym, ınnovatsııa, mádenıet baǵyttary boıynsha arnaıy syılyqtar josparlanyp otyr», - dedi Áset Isekeshev.



Halyk Arena kópfýnktsıonaldy kesheninde ótken «El úmiti» forýmynda Almaty, Jambyl, Túrkistan oblystarynan, sondaı-aq Shymkent pen Almatydan kelgen belsendi jastar ǵylym men bilimdi, bıznes jáne medıtsına, mádenıet jáne sport, ekonomıka jáne qoǵamdyq ómir salalarynda qoldaýǵa baǵyttalǵan Elbasy baǵdarlamalarynyń arqasynda qol jetkizgen jetistikteri týraly aıtty. Jastar marafonynyń sońy kontserttik baǵdarlamaǵa ulasty.







Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT