+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Biz UQShU aıasyndaǵy saıası yntymaqtastyqty damytýǵa nıettimiz - Qasym-Jomart Toqaev

2019 jylǵy 28 qarasha 18:18
Bólisińiz:
Biz UQShU aıasyndaǵy saıası yntymaqtastyqty damytýǵa nıettimiz - Qasym-Jomart Toqaev

BІShKEK. QazAqparat - Memleket basshysy Ujymdyq qaýipsizdik shart uıymynyń sessııasyna qatysty, dep habarlaıdy Aqorda.

Uqsas jańalyqtar
Memleket basshysynyń aptalyq jumysyna vıdeosholý Prezıdenttiń quttyqtaý sózinde qandaı mańyzdy sharalar aıtyldy Zatobol kentiniń ataýy Tobyl dep ózgertilip, qala mártebesi berildi

Bishkek qalasynda Ujymdyq qaýipsizdik shart uıymy (UQShU) Ujymdyq qaýipsizdik keńesiniń sessııasy ótti.


Qazaqstan Prezıdenti Qasym-Jomart Toqaev, Belarýs Prezıdenti Aleksandr Lýkashenko, Qyrǵyzstan Prezıdenti Sooronbaı Jeenbekov, Reseı Prezıdenti Vladımır Pýtın, Tájikstan Prezıdenti Emomalı Rahmon, Armenııanyń Premer-Mınıstri Nıkol Pashınıan, sondaı-aq UQShU Bas hatshysynyń mindetin atqarýshy Valerıı Semerıkov shaǵyn quramda kezdesý ótkizdi. Sodan keıin delegatsııa músheleriniń qatysýymen kelissózder jalǵasty.


Memleketter basshylary halyqaralyq jáne óńirlik qaýipsizdikti qamtamasyz etý jóninde pikir almasty. UQShU-nyń 2019 jylǵy basym baǵyttarynyń iske asyrylýyn qorytyndylap, aldaǵy josparyn anyqtady.

Qasym-Jomart Toqaev shaǵyn formatta ótken kezdesýde qatysýshy memleketter basshylaryna Qazaqstannyń UQShU formatyndaǵy ózara is-qımyldardyń ózekti máseleleri jónindegi ustanymyn jetkizdi.

– Biz UQShU aıasyndaǵy saıası yntymaqtastyqty damytýǵa, Uıymnyń áskerı-kúshtik áleýetin nyǵaıtýǵa jáne zamanaýı syn-qaterler men qaýipterge qarsy is-qımyldar jasaýǵa nıettimiz, – dedi Memleket basshysy.


Halyqaralyq qaýipsizdik salasyndaǵy saıası dıalogty kúsheıtý qajettigin atap ótken Qasym-Jomart Toqaev Eýrazııa kindiginde ornalasqan aýmaqtyń qaýipsizdigin qamtamasyz etý isindegi UQShU-nyń atqaratyn jaýapkershiligine nazar aýdardy. Onyń pikirinshe, Uıym Eýropa men Azııany qaýipsizdiktiń birińǵaı Eýrazııalyq platformasynda baılanystyra otyryp, óz pozıtsııasyn qazirgiden de nyǵaıta alatyny jóninde pikir bildirdi.

Qasym-Jomart Toqaev osy maqsatqa qol jetkizý úshin birqatar mindetti qarastyrý kerek ekenin aıtty. Atap aıtqanda, UQShU-nyń halyqaralyq bedelin arttyrý úshin jumys júrgizý qajettigine toqtaldy.

– Biz eshkimge qarsy shyqpaımyz, kerisinshe, ózara tıimdi dıalogqa daıynbyz. Bul ustanymdy ilgeriletý mańyzdy, – dedi Memleket basshysy.

Osyǵan oraı Qazaqstan Prezıdenti UQShU-ǵa múshe memleketterdiń Syrtqy ister mınıstrleriniń NATO-daǵy áriptesterine bıylǵy mamyr aıynda joldaǵan Ashyq úndeýiniń mańyzdylyǵyn atap ótip, onyń ózara senimdi nyǵaıtýǵa jáne yntymaqtastyqty damytýǵa septigin tıgizetinin aıtty.

Qasym-Jomart Toqaev UQShU janyndaǵy Seriktes jáne Baqylaýshy ınstıtýttardy odan ári damytýdyń mańyzdylyǵyn atap ótti. Instıtýttardy qurý týraly sheshim byltyr Qazaqstan astanasynda qabyldanǵan bolatyn. Prezıdenttiń pikirinshe, bul ınstıtýttar jumystarynyń alǵashqy nátıjeleri de aıtarlyqtaı.


Prezıdent UQShU aıasyndaǵy saraptamalyq-dıalogtyq ınfraqurylymdy keńeıtýge shaqyrdy. Memleket basshysynyń aıtýynsha, Ujymdyq qaýipsizdik keńesiniń aldaǵy sessııalarynyń birinde mınıstrler, Qaýipsizdik keńesi hatshylary, iri sarapshylar men sheteldik qonaqtar deńgeıinde halyqaralyq konferentsııa uıymdastyrý týraly oılanǵan jón.

Qasym-Jomart Toqaev Mıýnhen konferentsııasyn mysalǵa keltirdi. Onyń pikirinshe, bul jıyn bastapqyda NATO-ǵa múshe elderdiń qorǵanys vedomstvolary ókilderiniń beıresmı kezdesýi retinde uıymdastyrylǵan edi, al búginde Eýropanyń qaýipsizdigine qatysty problemalardy talqylaıtyn bedeldi forýmǵa aınaldy.


Memleket basshysy óz sózinde UQShU-ǵa múshe memleketter aýmaǵyndaǵy, sonyń ishinde Aýǵanstandaǵy terrorızmge qarsy is-qımyl máseleleri týraly aıtty.

– Búginde resmı bılik el aýmaǵynyń jartysynan astamyn ǵana baqylaıdy. Onda halyqtyń 65 paıyzy turady. Aýǵanstannyń qalǵan aımaqtary terrorıstik uıymdardyń qolynda. Ońtústikten tónetin osyndaı qaýiptiń bar ekenin eskere otyryp, UQShU halyqaralyq terrorızm men basqa da qaterlerge qarsy kúresý úshin qarýly kúshter men quraldardy saqadaı-saı ustaýy qajet, – dedi Qazaqstan Prezıdenti.

Memleket basshysy Sammıt qatysýshylaryna «Jýsan» arnaıy gýmanıtarlyq operatsııasynyń nátıjesi týraly aıtyp, osy shara barysynda Qazaqstan men Sırııanyń salalyq organdary 595 azamatty, onyń ishinde 400-den astam balany qaqtyǵys aımaǵynan alyp shyqqanyn jetkizdi. Prezıdent jýyrda ǵana Iraktan bir top balanyń qutqarylǵanyn habarlady.

Qasym-Jomart Toqaev zańsyz esirtki aınalymymen kúres, aqparattyq jáne kıberqaýipsizdik salalaryndaǵy yntymaqtastyqty nyǵaıtý máselelerine nazar aýdardy.

Qazaqstan Prezıdenti sóziniń sońynda UQShU-ǵa tóraǵalyq etken qyrǵyz tarapynyń jetistikteri úshin Sooronbaı Jeenbekovke rızashylyq bildirip, Uıym tóraǵalyǵyn qabyldap alǵan reseılik áriptesterin quttyqtady.


Sammıt qorytyndysy boıynsha UQShU-ǵa múshe memleketter basshylary jahandyq jáne óńirlik qaýipsizdikti nyǵaıtý maqsatynda halyqaralyq is-qımyldar men yntymaqtastyqty jetildirý týraly saıası málimdeme qabyldady.

Bishkekte qabyldanǵan qujattar UQShU aıasyndaǵy yqpaldastyqty odan ári nyǵaıtýǵa baǵyttalǵan. Qujattar Uıymnyń ashyqtyǵyn jáne onyń ózge eldermen jáne halyqaralyq qurylymdarmen yntymaqtastyǵyn keńeıtýge beıildigin kórsetedi.

Ujymdyq qaýipsizdik keńesi sessııasynyń qorytyndysy boıynsha 17 qujatqa, sonyń ishinde, jahandyq jáne óńirlik qaýipsizdikti nyǵaıtý maqsatynda halyqaralyq ózara is-qımyldar men yntymaqtastyqty jetildirý týraly málimdemege jáne Ujymdyq qaýipsizdik keńesiniń 14 sheshimine qol qoıyldy:

1. «1941-1945 jj. Uly Otan soǵysyndaǵy Jeńistiń 75 jyldyǵyn merekeleý jónindegi is-sharalar jospary týraly»;

2. «Ujymdyq qaýipsizdik shart uıymynyń normatıvtik quqyqtyq aktilerine ózgerister engizý týraly»;

3. «Ujymdyq qaýipsizdik shart uıymynyń Ujymdyq qaýipsizdik keńesi týraly Erejesine ózgerister engizý týraly»;

4. «Ujymdyq qaýipsizdik shart uıymy organdary rásimderiniń Qaǵıdalaryna ózgerister engizý týraly»;

5. «Birikken Ulttar Uıymynyń Jahandyq terrorızmge qarsy strategııasyn iske asyrý jónindegi Ujymdyq qaýipsizdik shart uıymyna múshe memleketterdiń 2019-2021 jyldarǵa arnalǵan ujymdyq is-qımyldar jospary týraly»;

6. «Tájik-aýǵan shekarasy mańyndaǵy shıelenisti azaıtýǵa baǵyttalǵan qosymsha sharalardyń tizbesi týraly»;

7. «Ujymdyq qaýipsizdik shart uıymyna múshe memleketterdiń qorǵanys-ónerkásiptik (áskerı-ónerkásiptik) keshenderiniń kásiporyndary men uıymdarynyń kooperatsııalyq jáne ıntegratsııalyq baılanystaryn damytý salasyndaǵy bazalyq uıym týraly»;

8. «Ujymdyq qaýipsizdik shart uıymy aıasynda birlesken ǵylymı-zertteý jáne tájirıbelik-konstrýktorlyq jumystardy uıymdastyrý ári júrgizý tártibi týraly Ereje»;

9. «Ujymdyq qaýipsizdik shart uıymyna múshe memleketterdiń aqparattyq tehnologııalar salasyndaǵy qylmystarǵa qarsy is-qımyldar jónindegi turaqty is-áreketter operatsııalary týraly Erejege ózgerister engizý týraly («PROKSI» operatsııasy)»;

10. «Ujymdyq qaýipsizdik shart uıymy Qorǵanys mınıstrleri keńesi týraly Erejege ózgerister engizý týraly»;

11. «Ujymdyq qaýipsizdik shart uıymynyń 2018 jylǵa arnalǵan bıýdjetiniń jumsalýy jónindegi esep týraly»;

12. «Ujymdyq qaýipsizdik shart uıymynyń 2020 jylǵa arnalǵan bıýdjeti týraly»;

13. «Ujymdyq qaýipsizdik shart uıymynyń nagradalarymen marapattaý týraly»;

14. Ujymdyq qaýipsizdik shart uıymy Ujymdyq qaýipsizdik qeńesiniń kezekti sessııasynyń ótkizilý ýaqyty men orny týraly», sondaı-aq UQShU Ujymdyq qaýipsizdik júıesi jumystarynyń máselelerine qatysty basqa da qujattar.






Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT