+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Biz ekonomıkanyń ınvestıtsııalyq básekege qabilettiligin arttyramyz - Asqar Mamın

2020 jylǵy 11 maýsym 12:37
Bólisińiz:
Biz ekonomıkanyń ınvestıtsııalyq básekege qabilettiligin arttyramyz - Asqar Mamın

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen Qazaqstan Respýblıkasy Prezıdentiniń janyndaǵy Sheteldik ınvestorlar keńesiniń (ShIK) aralyq otyrysy ótti, dep habarlaıdy QazAqparat primeminister.kz-ke silteme jasap.

Investıtsııalyq saıasatty iske asyrý, energetıka, ekologııa jáne munaı-gaz salasy, eńbek zańnamasy, adam kapıtalyn damytý jáne sheteldik jumys kúshin tartý máseleleri jónindegi ShIK birlesken jumys toptarynyń qyzmeti týraly «EY» kompanııasynyń Qazaqstan jáne Ortalyq Azııa boıynsha basqarýshy seriktesi E. Dosymbekov, «Adjıp Kaspıan Sı Bı Vı» basqarýshy dırektory N. Aggodjerı jáne Qazaqstandaǵy «Shell» kontserniniń tóraǵasy O. Lazar baıandady.

Otyrysta ShIK-tyń 32-shi jalpy otyrysynyń hattamalyq tapsyrmalarynyń iske asyrylý barysy jáne bıyl ótetin «Shıkizattyq emes eksportty damytý» taqyrybyndaǵy keńes otyrysyna daıyndyq máselesi qaraldy. QR Syrtqy ister mınıstri Muhtar Tileýberdi, QR Saýda jáne ıntegratsııa mınıstri Baqyt Sultanov, shetel tarapynan birlesken otyrystardy daıyndaý jónindegi Keńestiń jumys tobynyń teń tóraǵasy, «Sıtıbank Qazaqstan» basqarmasynyń tóraǵasy A. Kýrılın baıandama jasady.

Premer-Mınıstr Úkimet qabyldap jatqan sharalar men ulttyq ekonomıkada jınaqtalǵan turaqtylyq ekonomıkanyń naqty sektory ósiminiń senimdi serpinin qamtamasyz etýge, negizgi kapıtalǵa salynǵan ınvestıtsııalar men qyzmet kórsetý sektoryndaǵy iskerlik belsendilikti qalpyna keltirýge jol ashqanyn atap ótti.

Osy jyldyń 5 aıynda taý-ken óndirý ónerkásibinde kólem 5,2%-ǵa, óńdeý ónerkásibinde 4,9%-ǵa ósti. Sáýir aıymen salystyrǵanda mamyrda saýda 28,3%-ǵa, kólik sektory – 20,7%-ǵa, negizgi kapıtalǵa salynǵan ınvestıtsııalar kólemi – 32%-ǵa ósti.

Úkimet basshysy ázirlenip jatqan 2025 jylǵa deıingi QR Strategııalyq damý jospary básekege qabiletti shıkizattyq emes sektordy damytýǵa, sapaly ınvestıtsııalar men qosylǵan qunnyń óńirlik jáne jahandyq tizbegine qosylýǵa basa nazar aýdara otyryp, ekonomıkanyń jańa qurylymyn qalyptastyrýǵa baǵyttalǵanyn atap ótti.

«Investıtsııalar jańa jospardyń mańyzdy elementteriniń biri retinde qarastyrylady. Biz ekonomıkanyń ınvestıtsııalyq básekege qabilettiligin, ınvestıtsııalyq zańnamanyń turaqtylyǵyn arttyrý, Qazaqstandyq bıznes pen QR-daǵy sheteldik ınvestorlardyń iskerlik belsendiligin arttyrý úshin qolaıly jaǵdaı jasaý boıynsha sharalardy odan ári qabyldaımyz», — dedi A. Mamın.

Keńestiń sheteldik músheleriniń turaqty ókilderimen qatar, is-sharaǵa Úkimet músheleri, Ulttyq bank, Bas prokýratýra, «Atameken» UKP jáne «Báıterek» UBH» AQ, «Qazindustry» qazaqstandyq ındýstrııa jáne eksport ortalyǵy» AQ, «Kazakh Export» ESK» AQ jáne t. b. basshylary qatysty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT