Biz Dımashty maqtan tutamyz – Qasym-Jomart Toqaev

NUR-SULTAN. QazAqparat – Biz Dımashty maqtan tutamyz. Bul týraly Memleket basshysy Qasym-Jomart Toqaev «31 arnada» kórsetilgen «Prezıdent 2.0» derekti fılminde aıtty, dep habarlaıdy QazAqparat tilshisi.

Reseılik jýrnalıst Alekseı Pıvovarov Qazaqstan Prezıdentinen búginde Reseıde tanymal qazaqstandyq rep-oryndaýshy Ádil «Skrıptonıt» Jálelov shyǵarmashylyǵy týraly surady.

«Ony birneshe ret tyńdap kórdim. Alaıda uıyp tyńdadym, bárin túsindim dep aıta almaımyn. Biraq túsinýge tyrysyp kóremin», - dedi Memleket basshysy.

Sonymen qatar, Prezıdent tanymal ánshi Dımashty maqtan tutatynyn atap ótti.

«Ol óziniń ónerimen áýeli qytaılyq tyńdarmandaryn, keıin Reseıdi tánti etti. Kremldegi sezder saraıynda birneshe kontsert berdi. Kontsertteriniń barlyǵy anshlagpen ótti», - dedi Qasym-Jomart Toqaev.

Aıta keteıik, «31 arnada» kórsetilgen «Prezıdent 2.0» derekti fılminde otandyq taýar óndirýshilerge qoldaý kórsetýdiń mańyzdylyǵy týraly aıtyp berdi.