+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Biz birgemiz: Qostanaı oblysynda 3,5 myń adam kómek aldy

2020 jylǵy 26 naýryz 12:53
Bólisińiz:
Biz birgemiz: Qostanaı oblysynda 3,5 myń adam kómek aldy

QOSTANAI. QazAqparat – Respýblıkalyq «Biz birgemiz» aktsııasy aıasynda Qostanaı oblysynda 3,5 myń adam kómek aldy. Bul týraly oblys ákimi Arhımed Muhambetovtiń tóraǵalyǵymen ótken selektorlyq keńeste málim etildi, dep habarlaıdy «QazAqparat» HAA tilshisi.

Uqsas jańalyqtar
Túrkistandyq kásipker 2 mln teńgeniń et ónimderin elge taratty Kınoaktrısa Samal Eslıamova «Biz Birgemiz» aktsııasyna qatysty ShQO-da eriktiler 32 myń dana medıtsınalyq maska tikti

Elbasy N. Nazarbaevtyń tapsyrmasyna sáıkes «Nur Otan» partııasy «Kedergisiz keleshek», «Baqytty otbasy» jáne «Ardagerlerdi ardaqtaıyq!» jobalary aıasynda «Biz birgemiz» aktsııasyn bastaǵan bolatyn. Oblysta áleýmettik jaǵynan osal azamattardyń tizimi quryldy.

«Aktsııany uıymdastyrý barysynda partııanyń Qostanaı oblystyq fılıaly men oblystyq jumyspen qamtýdy úılestirý jáne áleýmettik baǵdarlamalar basqarmasy muqtajdar tizimin jasady. Olardyń arasynda az qamtylǵan, kópbalaly otbasylar, erekshe qajettilikteri bar adamdar, Ekinshi dúnıejúzilik soǵysynyń ardagerleri jáne jalǵyz turatyn qart adamdar bar. Barlyǵy 3541 adam kómek aldy. Bul jumys áli de jalǵasady», - dedi «Nur Otan» partııasynyń Qostanaı oblystyq fılıaly tóraǵasynyń birinshi orynbasary Eldar Kúzenbaev.

Halyqtyń áleýmettik osal toptaryna antıseptıkter, maskalar jáne birinshi qajettilik ónimderi jetkizilýde. Azyq-túlik sebetine makaron, qaraqumyq, kúrish, qant jáne ósimdik maıy, qara shaı, tuz, tátti nan kiredi.

E. Kúzenbaevtyń aıtýynsha, eriktilerdiń mobıldi brıgadalary uıymdastyrylǵan. Oǵan partııa músheleri men «Jas Otan» jastar qanatynyń belsendileri kirdi. Jalpy oblys boıynsha 250 adamnan turatyn osyndaı 20 top jumys isteıdi. Aktsııanyń alǵashqy kúnderi 443 otbasy kómekke ıe bolǵan.

Oblys ákimi Arhımed Muhambetov partııa jobasyn júzege asyrýda Aýyl sharýashylyǵy taýar óndirýshileri men kásipkerlerdiń belsendi jumysyn atap ótti. Sondaı-aq, óńir basshysy partııa fılıaldarynyń qoǵamdyq qabyldaý bólmesiniń jumysyn toqtatýdy tapsyrdy.

«Ákimder turǵyndardyń turmystyq máselelerin baqylaýda ustaýy tıis. Halyq arasynda kóptegen suraqtar týyndaıdy, jańa problemalar paıda bolýy múmkin. Aýdan-qala ákimderine onlaın rejımde jáne partııa fılıaldarynda ornatylǵan jáshikter arqyly kelip túsken hattarǵa der kezinde jaýap berýdi tapsyramyn. «Biz birgemiz!» biryńǵaı respýblıkalyq aktsııasy aıasynda atqarylyp jatqan jumystardy toqtatpaý qajet», - dedi oblys basshysy.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT