+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Bıylǵy jeti aıda 32 mlrd dollardyń eksporty jasaldy

2021 jylǵy 14 qyrkúıek 09:48
Bólisińiz:
Bıylǵy jeti aıda 32 mlrd dollardyń eksporty jasaldy

NUR-SULTAN. QazAqparat – Qańtar-shilde aılarynda Qazaqstannyń syrtqy saýda taýar aınalymy 53,7 mlrd dollar boldy. Úkimet otyrysynda QR Ulttyq ekonomıka mınıstri Áset Erǵalıev osyndaı málimet aıtty, dep habarlaıdy QazAqparat tilshisi.

Uqsas jańalyqtar

«Bıylǵy qańtar-shildede syrtqy saýda taýar aınalymy 53,7 mlrd AQSh dollaryn, onyń ishinde eksport boıynsha kórsetkish 32 mlrd AQSh dollaryn qurady. Bul rette óńdelgen taýarlar eksporty 23,4% ósip, 10,4 mlrd AQSh dollaryna deıin jetti», - dedi vedomstvo basshysy.

Sondaı-aq, ol jalpy saýda balansy 10,4 mlrd AQSh dollaryn qurap, oń deńgeıin saqtaǵanyn atady.

«Óńdeý ónerkásibi turaqty ósý úrdisin saqtap otyr. Óndiris kólemi 5,8%-ǵa ósti. 14 óńir boıynsha oń ósim kórsetkishi tirkeldi. Eń joǵarǵy ósim Almaty qalasynda, sondaı-aq Almaty jáne Qyzylorda oblystarynda baıqalyp otyr», - dedi Áset Eraǵalıev.

Al óńdeý ónerkásibi boıynsha vagondar men lokomotıvter ónidirisinde eń joǵary kórsketkish tirkelgen – 48,9%.

Farmatsevtıkalyq ónim óndirýde – 40,8%, mashına jasaý – 23,9%, onyń ishinde avtomobıl jasaý – 34,2%, vagondar men lokomotıvter óndirisi – qurylys materıaldary – 11,6%, plastmassa buıymdary – 26,5%, daıyn metall buıymdary – 18,6%, kıim – 16,3% jáne jıhaz – 16% deńgeıinde serpindi ósýdi kórsetip otyr.

«Bıylǵy jyldyń segiz aıynda oryndalǵan qurylys jumystarynyń kólemi 11,4%-ǵa ósip, qurylys sektory joǵary qarqyn kórsetýde. Kórsetkishtiń oń ósimi barlyq óńirler boıynsha tirkelgen. Qurylys-montajdaý jumystarynyń eń joǵary ósimi Aqmola jáne Túrkistan oblystarynda, sondaı-aq Almaty qalasynda baıqalady», - dedi Ulttyq ekonomıka mınıstri.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT