+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Bıylǵy segiz aıda el kásiporyndarynda 1 myńǵa jýyq adam jaraqat alǵan

2020 jylǵy 18 qyrkúıek 16:11
Bólisińiz:
Bıylǵy segiz aıda el kásiporyndarynda 1 myńǵa jýyq adam jaraqat alǵan

NUR-SULTAN. QazAqparat - Eńbek jáne halyqty áleýmetitk qorǵaý mınıstri Birjan Nurymbetov 2020 jyly eńbek jaǵdaıyn jaqsartý boıynsha júrgizilgen jumystar jaıly baıandady, dep habarlaıdy QazAqparat.

QR Premer-mınıstriniń orynbasary Eraly Toǵjanovtyń tóraǵalyq etýimen beınekonferentsııa rejıminde ótken áleýmettik áriptestik jáne áleýmettik-eńbek qatynastaryn retteý jónindegi respýblıkalyq úshjaqty komıssııanyń otyrysynda, QR Eńbek jáne halyqty áleýmettik qorǵaý mınıstri Birjan Nurymbetov, 2019-2023 jyldarǵa arnalǵan Qazaqstan Respýblıkasynda óndiristik jaraqattar men eńbek jaǵdaılary zııandy jumys oryndaryn azaıtý jónindegi jol kartasyn iske asyrý barysy týraly aıtty.

Sharaǵa múddeli ortalyq memlekettik organdardyń ókilderi, oblystar men respýblıkalyq mańyzy bar qalalar ákimderiniń orynbasarlary, kásipodaq uıymdarynyń jáne jumys berýshiler birlestikteriniń ókilderi qatysty.

Óz sóziniń basynda Birjan Nurymbetov memlekettik organdar men jumys berýshilerdiń eńbekti qorǵaý salasynda qabyldaǵan keshendi sharalary óndiristik jaraqattanýdy azaıtýdyń oń úrdisin saqtaýǵa múmkindik bergenin atap ótti. 2015 jyldan 2019 jylǵa deıingi kezeńde jaraqattaný 17%-ǵa tómendegen.

Sonymen birge, osy jyldyń segiz aıynda el kásiporyndarynda 912 adam jaraqat aldy, bul 2019 jyldyń sáıkes kezeńimen salystyrǵanda 7,5%-ǵa joǵary (848 adam). Óndiriste qaza tapqandardyń sany 130-dy qurady, bul ótken jyldyń sáıkes kezeńimen salystyrǵanda 37%-ǵa joǵary (95 adam).

Adamdardyń qaıtys bolý jaǵdaılarynyń ósýi Qaraǵandy (122 adamnan 159 adamǵa deıin), Qostanaı (64 adamnan 86 adamǵa deıin), Túrkistan (27 adamnan 64 adamǵa deıin) jáne Soltústik Qazaqstan (20 adamnan 29 adamǵa deıin) oblystarynda baıqaldy.

«Jazataıym oqıǵalardyń oryn alý jaǵdaılary men sebepterin taldaý jumys berýshiler tarapy da, zardap shekken jumysshylar tarapy da qaýipsiz eńbek jaǵdaılaryn jasaýǵa salǵyrt qaraǵanyn kórsetedi. Eńbek ınspektorlarynyń talaby boıynsha 16 adam qyzmetinen bosatyldy. 3 óndiristik nysannyń jumysy toqtatyldy. Jazataıym oqıǵalardy tergep-tekserýge qatysty 521 materıal quqyq qorǵaý organdaryna jiberildi, olar boıynsha 56 qylmystyq is qozǵaldy», - dedi Nurymbetov.

Sonymen qatar, ol eńbek jaǵdaıy zııandy jumys oryndarynyń sanyn qysqartý máselesi ózekti bolyp qalatynyn basa aıtty.

Statıstıka komıtetiniń málimeti boıynsha, 2019 jyly kásiporyndarda zerttelgen 1,6 mln jumysshynyń 370 myńy nemese árbir tórtinshisi (22%) zııandy jáne qaýipti eńbek jaǵdaıynda jumys istegen.

Zııandy jáne qaýipti eńbek jaǵdaıynda jumys jasaıtyndardyń eń kóp sany - Qaraǵandy ​​(77 myń adam), Shyǵys Qazaqstan (38 myń), Pavlodar (45 myń) jáne Mańǵystaý oblystarynda (33 myń).

2019 jyly eńbek jaǵdaıyn sertıfıkattaý nátıjesi boıynsha 676 myń jumysshy 128,5 mlrd teńge kóleminde túrli ótemaqy aldy, bul 2018 jylmen salystyrǵanda 10%-ǵa artyq. Búginde 12 myńnan astam kásiporyn zııandy eńbek jaǵdaıynda jumys isteıtin 502 myń jumysshynyń paıdasyna 5% jarna aýdarýdy jalǵastyrýda.

«Kásiptik táýekelderdi basqarýdyń zamanaýı júıesin engizý úshin elimizdiń 2 635 iri kásiporny eńbek qaýipsizdigi men eńbekti qorǵaý standarttaryn engizdi. Standarttardyń eń kóp sany Atyraý (321), Shyǵys Qazaqstan (251), Aqtóbe (282) jáne Aqmola oblystarynyń (220) kásiporyndarynda engizilgen. Respýblıka kásiporyndarynda eńbek qaýipsizdigi men eńbekti qorǵaýdy ishki baqylaý sheńberinde 15,5 myńnan astam óndiristik keńes quryldy jáne jumys isteıdi. Olardyń mindetine óndiristik jaraqattanýdyń aldyn alý, sondaı-aq jumys oryndaryndaǵy eńbek jaǵdaıyn tekserýdi uıymdastyrý kiredi. Óndiristik keńesterdiń sheshimi jumys berýshi úshin mindetti», - dedi mınıstr.

Eńbekmıni basshysy óndiristik keńester sany respýblıkanyń basqa óńirlerimen salystyrǵanda eń az Mańǵystaý, Túrkistan jáne Atyraý oblystarynyń kásiporyndarynda olardy qurý jumysyn kúsheıtý qajet ekenin aıtyp ótti.

Birjan Nurymbetov sondaı-aq jergilikti atqarýshy organdar, jumys berýshiler men jumysshylardyń respýblıkalyq birlestikteri el kásiporyndaryn Halyqaralyq áleýmettik qamsyzdandyrý qaýymdastyǵy ázirlegen «Vizion Zero» nóldik jaraqat tujyrymdamasyna qosý úshin aqparattyq naýqan júrgizip jatqanyn jetkizdi. Tujyrymdamaǵa respýblıkanyń 326 kásiporny qosyldy.

Eńbekti qorǵaýdy basqarý júıesin jetildirý maqsatynda aǵymdaǵy jyly Eńbek kodeksine óndiristik kásiporyndarda eńbekti qorǵaýdy basqarýdyń zamanaýı júıesin engizýdi kózdeıtin ózgerister men tolyqtyrýlar engizildi.

Sóz sońynda Birjan Nurymbetov oblystar men respýblıkalyq mańyzy bar qalalardyń ákimdikterine «Atameken» UKP jáne Qazaqstan kásipodaqtar federatsııasymen birge óndiristik jaraqattanýdy tómendetý jáne zııandy eńbek jaǵdaıy bar jumys oryndarynyń sanyn azaıtý boıynsha jumysty kúsheıtýdi keńes etti.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT