+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Bıylǵy oqý jyly nesimen este qaldy - Mektep dırektorymen suhbat

2020 jylǵy 25 mamyr 16:50
Bólisińiz:
Bıylǵy oqý jyly nesimen este qaldy - Mektep dırektorymen suhbat

NUR-SULTAN. QazAqparat - Búgin respýblıka mektepterinde oqý jyly aıaqtalyp, sońǵy qońyraý rásimi onlaın túrde ótti. Bul kezeń bilim berý salasyndaǵy kútpegen jańalyqtar men ózgeristerge toly boldy. Osy oraıda Nur-Sultan qalasyndaǵy Álıhan Bókeıhan atyndaǵy №76 mektep-lıtseı dırektory Sapýra Tólekova oqý jylyn qorytyndylap, QazAqparat tilshisine suhbat berdi.

Uqsas jańalyqtar
Jas ónertapqyshtar erekshe qajettiligi bar adamǵa arnalǵan qurylǵy jasady Úsh jylda mektep kitaphanalarynyń materıaldyq-tehnıkalyq bazasy jańartylady Sheteldik JOO stýdentteri de medıtsınalyq qyzmetterdi tegin alady - BǴM

- Sapýra Seıdýáliqyzy, kezekti oqý jylynyń aıaqtalýymen quttyqtaımyz! Búgingi sońǵy qońyraý qalaı ótti? Munda erekshe oqıǵa tarıhta birinshi ret bolyp tur ǵoı ?

- Kóp rahmet, óte erekshe ótti. Bos turǵan mektepte sońǵy qońyraý ótkizý birtúrli eken. Muǵalimder úıden jumys istep jatqandyqtan, ár synyp jetekshisi óz oqýshylarymen Zoom mobıldi qosymshasynda bas qosty. Mektebimizde jyl saıyn 20-25 mamyrda «Bizdiń synyptyń bir jyly» atty tárbıe saǵaty bolatyn. Búgin sońǵy qońyraý retinde sol sharany onlaın formatta ótkizip jatyrmyz. Onda mektep basshylyǵynyń quttyqtaýy beriledi, bir jyl boıǵy synyptaǵy erekshe sharalar, jetistikter talqylanyp, maqtaý qaǵazyn alǵan balalardyń esimi atalady. Jazǵy ýaqytty tıimdi ótkizý týraly erkin formatta pikirlesý bolady. Búgin de qorytyndy synyp saǵattaryna oqýshylar men ata-analar birlesip qatysyp otyr. Kópshiligine mundaı sońǵy qońyraý unamaǵany túsinikti. Biraq, qazirgi talapty túsinip, qashyqtan ótkizýge májbúr bolyp otyrmyz.

Koronavırýsqa baılanysty maqtaý qaǵazdary elektrondy nusqada beriledi. Ony poshta nemese Kúndelik portaly arqyly jiberýge bolady, keı ata-ana WhasApp arqyly suratyp jatyr. Biraq móri basylǵan, tirkeý nómiri qoıylǵan qaǵaz nusqadaǵy maqtaý qaǵazy da bolýy mindetti. Mektepke balalar shaqyrylmaıtyn bolǵandyqtan, maqtaý qaǵazyn oqýshynyń jeke qujatyna qosyp qoıamyz.

- Túlekterge oıyssaq, UBT men mektep bitirý keshin qalaı ótkizesizder ?

- Mektep bitirý keshi bolmaıdy. Túlekter úshin attestat tapsyrý rásimi ári sońǵy qońyraý retinde 3-4 maýsymǵa josparlanǵan. Bizdiń mektepte 5 synyp bitiretin bolsa, ár synyptyń saltanatty rásimi bir saǵat aralyqpen túrli ýaqytqa qoıylady. Oǵan maska kıip kelý mindetti. Barlyǵy taza aýada ótedi jáne ara qashyqtyq saqtalýy tıis. Onyń ózin ata-analar karantındik sharalar kúsheıip, ótpeı qala ma dep ýaıymdap jatyr. Ázirge túlekterdiń attestat tapsyrý rásimin toqtatý týraly nusqaýlyq bolǵan joq.

UBT da jospar boıynsha ótedi dep kútip otyrmyz. 10 mamyrǵa deıin balalar UBT-ǵa ótinishti onlaın berip, ruqsatyn aldy. Endi 20 maýsymnan 5 shildege deıin test tapsyrady. Testileýde esh ózgeris joq, tek aýdıtorııa men oryn sanyn kóbeıtý kózdelgen. Óıtkeni bir aýdıtorııada buryn 100 adam otyrsa, qazir 50-den aspaýy tıis.

Sol sebepti, buryn UBT kúnara ótkizilse, bıyl kún saıyn ótkiziledi.

- Bıylǵy oqý jyly qandaı ózgeristermen este qaldy? Qandaı jańalyqtar boldy?

- Jeke ózim basqarýshy retinde baıqaǵanym, kóptegen normatıvtik-quqyqtyq buıryqtarǵa ózgeris engizildi. Mysaly muǵalimderdi attestattaý talaby ózgerdi. Bıylǵy oqý jylynan bastap, dırektorlar men dırektordyń orynbasarlary da pedagogtar sekildi atestattaýdan ótip, óz eńbekaqysyn kóbeıte alatyn jaǵdaı engizildi. Ádette mekteptegi menedjerlik quramǵa jastardy shaqyrǵanda, aılyǵy az dep bas tartatyn. Jýrnalısterdiń biri bilse, biri bilmeıdi, eń kóp jalaqyny muǵalim alady. Odan tómendeý aqyny - dırektordyń orynbasarlary alady. Dırektordyń orynbasarynan da tómen jalaqyny dırektor alatyn. Al endi dıırektor men orynbasarlar da atesttatsııalaý arqyly test tapsyryp, óz jumystaryn kórsetip, eńbekaqysyn kóbeıte alady.

Sonymen birge, pedagogtardyń tizbesine ózgeris engizildi. Burynǵy tizbede mamandar pedagogtar jáne pedagogqa teńestirilgender dep bólinetin. ıAǵnı, mektepke deıingi mekemelerdegi, balabaqshalardaǵy tárbıeshilerdiń eńbek demalysyna az kún beretin. Mektepte jumys isteıtin psıhologtar, áleýmettik pedagogtar men defektologtar da pedagog emes, pedagogqa teńestirilgender bolyp sanalatyn. Endi olardyń barlyǵy birdeı pedagog sanatyna engizilip, tıisti basymdyqtardy paıdalana alady.

- Jyldyń eń basty jańalyǵy - qashyqtan oqytý bolǵan sııaqty?

- Árıne. Qashyqtan oqytýdy birneshe jyl aıtyp kelsek te, tolyq kirispegen edik. Koronavırýs ınfektsııasy taraǵan soń, májbúrli túrde bastadyq. Áıtse de, bastapqy qadamymyz jaman emes. Osydan sabaq alyp, jumysty qaı baǵytta jetildirý týraly kartına qura aldyq. Ár mektep óz deńgeıinde muǵalimdi qaı baǵytta qoldaý kerek, muǵalimge ne úıretý kerek, balalarǵa yńǵaıly bolý úshin qaı platformada jumys istegen tıimdi syndy josparlardy qarap otyr. Tórtinshi toqsan bastalarda mektep qoldanysyndaǵy noýtbýk, kompıýter, planshetterdiń barlyǵyn qajettilikterge qaraı, suranys bergen otbasylarǵa mektep eriktileri jetkizip berdi. Ýaqytsha qoldanýǵa berilgen bul tehnıkalardy qazir keri qabyldap jatyrmyz.

Qoǵamda mınıstrlik qashyqtan oqytýdy rásimdeıdi degen bir jańsaq pikir qalyptasty. Ata-analar oǵan petıtsııa jazdy. Bilim salasyndaǵy sarapshylardyń aıtýynsha, bul - qashyqtan oqytýdy májbúrleý emes edi. Eger mınıstrlik qashyqtan oqytýdy rásimdeıtin bolsa, bul - mektepti jaýyp tastap, mektepten bas tartý emes. Ásirese elordada qysqy ýaqytta kóp sabaq bolmaı qalady ǵoı. Eger qashyqtan oqytý ruqsat etilgen bolsa, sol aıazdy kúnderi onyń paıdasyn kórer edik. Ekinshiden, keı balalardyń ata-anasy jumys barysymen uzaq issaparǵa ketip qalady. Balany qaldyratyn oryn bolmaı, ózderimen alyp ketedi. Sodan muǵalim olarǵa kitabyn arqalatyp, bir aıǵa ketse, bir aıdyń tapsyrmasyn erterek berip jiberip, telefonmen áýrelenip jatady. Nemese ata-ana ótirik bolsa da, anyqtama ákelgisi kep turady, basqa amalymyz joq deıdi. Sondaı jaǵdaılarda qashyqtan oqytý múmkindigin paıdalanar edik.

Sózsiz, qashyqtan oqytýǵa túbegeıli kóshýge bolmaıdy. Sebebi mekteptiń fýnktsııasy - tek qana bilim berý emes. Mektepte balalar áleýmettený protsesinen ótedi, ózara qarym-qatynasty kóredi, shyǵarmashylyq turǵyda fızıkalyq turǵyda damıdy. Balalar óz zamandastarymen birge sóılesip, damýy tıis. Jas erekshelikterine qaraı, balalardyń synyp-synypqa toptasatyny da sodan. Sondyqtan, qashyqtan oqytýǵa túbegeıli kóshýdi mınıstrlik kózdegen joq, kózdemeıdi de dep oılaımyn. Qandaı jaǵdaıda da jańa úrdisterdiń paıdaly tustaryn alǵan jón.

- Ýaqyt taýyp, suhbat bergenińizge rahmet!


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT