Bıyl jumysqa kirgen 3 myń muǵalimniń qalaı qabyldanǵany tekseriledi
2022 jylǵy 5 shilde 12:50

Bıyl jumysqa kirgen 3 myń muǵalimniń qalaı qabyldanǵany tekseriledi

NUR-SULTAN. QazAqparat – Bıyl jumysqa kirgen 3 100 muǵalimniń qalaı qabyldanǵany tekseriledi. Bul týraly QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Memlekettik bilim berý uıymdaryna muǵalimderdi jumysqa qabyldaý tártibin 2021 jyldyń 19 qarashasynda bekittik. ıAǵnı, sol ýaqyttan bastap kúshine endi. Birinshiden, ár mekteptiń, bilim basqarmasynyń, bilim bóliminiń bastyǵy osy tártipti bilýi tıis. Ekinshiden, ony oryndaý qajet», - dep atap ótti Ashat Aımaǵambetov mınıstrliktiń apparat jınalysynda.

Onyń dereginshe, jańa tártip bekitilgennen keıin 3 100 adam jumysqa qabyldanǵan.

«Osy adamdardyń jumysqa qabyldaný tártibin bizdiń komıtet tekserýi kerek, qaraımyz. 3 100 adam degen kóp emes. Konkýrs ótkizildi me? Konkýrs nátıjesi ashyq qaralyp, durys sheshim qabyldandy ma? Ony tez on kúnniń ishinde qarap shyǵýǵa bolady. Úlken jumys emes. Qaraǵannan keıin árbir oblys boıynsha aqparat berip, qajet bolsa aýytqýlar oryn alsa, onda tıisti shara qabyldaýǵa múmkindik bolady», - dedi mınıstr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT