Bıyl JOO-lar boıynsha astana ákiminiń 1 200-ge jýyq granty bólindi
2022 jylǵy 5 shilde 09:33

Bıyl JOO-lar boıynsha astana ákiminiń 1 200-ge jýyq granty bólindi

NUR-SULTAN. QazAqparat - Nur-Sultan ákimdiginiń saıtynda pedagogıka, medıtsına mamandyqtary men gýmanıtarlyq pánder boıynsha memlekettik bilim berý tapsyrysy ornalastyrylǵan joǵary oqý oryndarynyń tizbesi jarııalandy. Bıyl bul baǵyttarǵa 1200-ge jýyq ákim granty bólindi, dep habarlaıdy QazAqparat elorda ákimdiginiń resmı saıtyna silteme jasap.

Bilim granty tizim boıynsha mynadaı mamandyqtarǵa beriledi:

- pedagogıkalyq mamandyqtarǵa – 1 050 oryn.

- medıtsınalyq mamandyqtar boıynsha – rezıdentýraǵa 128 oryn.

- gýmanıtarlyq pánder boıynsha – ıslamtaný, teologııa, dintaný – 15 oryn.

Qala ákiminiń bilim granty Úkimettiń 2008 jylǵy 23 qańtardaǵy №58 qaýlysynyń 2-taraý 11-tarmaǵyna sáıkes berilip keledi.

«Bilim granty jergilikti bıýdjet qarajaty esebinen joǵary bilim granttary konkýrsyna qatysý úshin qysqartylǵan oqý merzimderi kózdeletin joǵary bilim kadrlaryn daıarlaýdyń uqsas baǵyttary boıynsha túsýshilerdi qospaǵanda, orta, tehnıkalyq jáne kásiptik nemese orta bilimnen keıingi bilimi bar, UBT-dan ótken jáne onyń nátıjesi boıynsha beriledi», - delingen qalalyq bilim basqarmasy taratqan habarlamada.

Bilim basqarmasynyń taratqan málimetterine sáıkes grant úmitkerlerine mynadaı talaptar qoıylady:

- ulttyq JJOKBU-ǵa túsý úshin – keminde 65 ball, «Pedagogıkalyq ǵylymdar» bilim salasy boıynsha – keminde 75 ball, densaýlyq saqtaý salasy boıynsha keminde 70 ball;

- basqa JJOKBU-ǵa túsý úshin – keminde 50 ball, «Pedagogıkalyq ǵylymdar» bilim salasy boıynsha – keminde 75 ball, densaýlyq saqtaý salasy boıynsha keminde 70 ball jınaǵandar jiberiledi.

Al medıtsına mamandyqtary boıynsha rezıdentýraǵa joǵary oqý ornynan keıingi bilim alý úshin myna silteme arqyly ótinish berýge bolady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT