+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Bıyl túlekterdiń qorytyndy attestattaý emtıhandary ótkizilmeıdi – QR BǴM

2020 jylǵy 10 sáýir 22:39
Bólisińiz:
Bıyl túlekterdiń qorytyndy attestattaý emtıhandary ótkizilmeıdi – QR BǴM

NUR-SULTAN. QazAqparat - Qashyqtan oqytý jaǵdaıynda mektep túlekteri úshin qorytyndy attestattaý pánder boıynsha jyldyq baǵalary negizinde júrgiziledi. UBT-ny ótkizý merzimderi ózgerissiz qalady. QR Bilim jáne ǵylym mınıstrligi osyndaı sheshim qabyldady, dep habarlaıdy QazAqparat tilshisi.

Mınıstrlikten málim etkendeı, Qazaqstanda engizilgen tótenshe jaǵdaı men oqýshylardyń qashyqtan oqý túrine aýysýyna baılanysty BǴM 9 (10) synyp oqýshylary úshin qorytyndy attestattaý emtıhandaryn, al 11 (12) synyp oqýshylary úshin memlekettik qorytyndy attestattaý emtıhandaryn ótkizbeý týraly sheshim qabyldady.

«Biz saraptaı kele osyndaı sheshim qabyldadyq. Tıisti ózgertýler mınıstrliktiń buıryqtaryna engizildi. Jekelegen emtıhandar ótkizilmeıtin bolady. Bul oqý jetistikterin qorytyndy baǵalaýdyń barynsha ádildigin qamtamasyz etedi», – dep habarlady mınıstrliktiń baspasóz qyzmetinen.

Esterińizge sala ketsek negizi 9 (10) synyp túlekteriniń qorytyndy attestattaýy kelesideı ótkiziletin:

1) ana tili boıynsha jazbasha emtıhan (oqytý tili boıynsha) – esse túrindegi jazbasha jumys, gýmanıtarlyq tsıkl pánderin tereńdetip oqytatyn mektep oqýshylary úshin maqala/áńgime/esse túrindegi jazbasha jumys;

2) matematıkadan (algebradan) jazbasha emtıhan;

3) oqytý orys/ózbek/uıǵyr/tájik tilinde júrgiziletin synyptarda qazaq tili men ádebıetinen jazbasha emtıhan jáne oqytý qazaq tilinde júrgiziletin synyptarda orys tili men ádebıeti páninen jazbasha emtıhan;

4) tańdaý páni boıynsha (fızıka, hımııa, bıologııa, geografııa, geometrııa, Qazaqstan tarıhy, dúnıejúzi tarıhy, ádebıet (oqytý tili boıynsha), shet tili (aǵylshyn/frantsýz/nemis), ınformatıkadan jazbasha emtıhan retinde.

Al 11 (12) synyp oqýshylary úshin qorytyndy attestattaý kelesideı ótkizilip keldi:

1) ana tili men ádebıeti boıynsha jazbasha emtıhan (oqytý tili boıynsha) esse túrinde;

2) orys/ózbek/uıǵyr/tájik tilinde oqytatyn mektepterde qazaq tili boıynsha testileý jáne qazaq tilinde oqytatyn mektepterde orys tili boıynsha testileý;

3) algebra jáne taldaý negizderi boıynsha jazbasha emtıhan;

4) Qazaqstan tarıhy boıynsha aýyzsha;

5) tańdaý páni boıynsha testileý (fızıka, hımııa, bıologııa, geografııa, geometrııa, dúnıejúzi tarıhy, ádebıet (oqytý tili boıynsha), shet tili (aǵylshyn/ frantsýz/ nemis), ınformatıkadan testileý túrind.

«Qazirgi ýaqytta Ulttyq biryńǵaı testileýdi ótkizý merzimi ózgerissiz qalyp otyr. Túlekter Ulttyq testileý ortalyǵynyń saıtynda ornalastyrylǵan synama testterin tegin paıdalana alady. Ár pán boıynsha testileýdiń 70 biregeı nusqasy usynylyp otyr», - delingen habarlamada.

Esterińizge sala keteıik 2017 jyldan beri UBT nátıjeleri JOO túsýge jáne bilim granttaryn ıelenýge, al qorytyndy attestattaý emtıhandarynyń nátıjesi attestat alý úshin qajet.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT