Bıyl stýdentterdiń shákirtaqysy ósedi
2022 jylǵy 24 qańtar 15:07

Bıyl stýdentterdiń shákirtaqysy ósedi

NUR-SULTAN. QazAqparat - 2022 jylǵy 1 qyrkúıekten bastap Memleket basshysynyń tapsyrmasy boıynsha qazaqstandyq joǵary oqý oryndary stýdentteriniń stıpendııasy 20, magıstranttar men doktoranttardyń stıpendııasy 15 paıyzǵa ósedi. Bul týraly QR Bilim jáne ǵylym mınıstrliginen málim etti, dep habarlaıdy QazAqparat tilshisi.

Esterińizge sala keteıik, 2021 jyldyń qyrkúıek aıynda bakalavrlar stıpendııasynyń mólsheri 20, magıstranttar men doktoranttar stıpendııasynyń mólsheri 15 paıyzǵńa artty. Osylaısha, 2021 jyldyń qyrkúıeginen bastap stýdentterdiń shákirtaqysy - 31 423 teńgeni, magıstranttardiki – 76 950 teńgeni, doktoranttardiki 172 500 teńgeni qurady.

«Osy jyldyń qyrkúıek aıynan bastap stýdentterdiń stıpendııasy taǵy da 20 paıyzǵa ósedi. Mysaly, pedagogıka mamandaryn daıarlaý baǵyty boıynsha oqıtyn stýdentter 58 myń teńgeden astam, basqa baǵyttar boıynsha bilim alatyndar 37 myń teńgege jýyq shákirtaqy ala bastaıdy. Magıstranttardyń shákirtaqysy 86 987 teńgege deıin, doktoranttardyń shákirtaqysy 195 000 teńgege deıin artyd», – dedi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.


Jańalyqtar

MURAǴAT