+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Bıyl SQO-da 3,3 mln tonna astyq jınalady

2021 jylǵy 21 qyrkúıek 10:58
Bólisińiz:
Bıyl SQO-da 3,3 mln tonna astyq jınalady

NUR-SULTAN. QazAqparat – Bıyl Soltústik Qazaqstan oblysynda 3,3 mln tonna astyq jınalady. Bul týraly búgin Úkimet otyrysynda Soltústik Qazaqstan oblysynyń ákimi Qumar Aqsaqalov aıtty, dep habarlaıdy QazAqparat tilshisi.

Uqsas jańalyqtar
Qyzylorda oblysynda kúzgi egin jınaý jumysy tolyǵymen aıaqtaldy Aýyl sharýashylyǵy mınıstri bıylǵy astyq túsimine boljam jasady

«Astyq jınaý naýqany aıaqtalyp keledi. Búginde 2,8 mln gektar nemese jalpy alqaptyń 94 paıyzy jınaldy. 3 mln tonnadan astam bıdaı basyldy. Ortasha túsim - 10,8 tsentner. Barlyǵy 3 mln 300 myń tonna astyq jınalady dep kútiledi. Maıly daqyldar alqabynyń 40 paıyzy jınaldy»,- dedi ol.

Oblys basshysynyń aıtýynsha, óńirde jem-shóp daıyndaý josparǵa saı júrgizilip jatyr. 848 myń tonna jáne 338 myń tonna saban daıyndaldy. Halyqtyń jem-shóppen qamtamasyz etilýi 98,2 paıyzdy quraıdy.

«Oblysta 167 myń tonna kartop pen 47 myń tonnadan astam kókónis jınaldy. Astyq qabyldaý kásiporyndaryna 417 myń tonna bıdaı jetkizildi. Azyq-túlik korporatsııasynyń forvardtyń ádisi boıynsha 348 myń tonna bıdaı satyp alýǵa kelisim jasaldy. Qazir astyq elevatorlarǵa jetkizilip, korporatsııaǵa tapsyrylýda. 21 qyrkúıektegi jaǵdaı boıynsha Azyq-túlik koroporatsııasyna 57 myń tonna bıdaı jetkizildi», - dedi Qumar Aqsaqalov.

Sonymen qatar ol dıqandar kelesi jylǵy egis naýqanyna daıyndyqty bastap ketkenin aıtty.

«Qajetti agrohımııalyq ádister tolyq kólemde júrgizildi. 140 myń tonna mıneraldy tyńaıtqysh sebildi. Jyl sońyna deıin taǵy 20 myń tonna tyńaıtqysh sebiletin bolady. Kóktemgi egiske 482 myń tonna tuqym qajet. Bul baǵytta daıyndyq júrgizilip jatyr», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT