+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Bıyl ShYU aýmaǵynda 7 tonna esirtki tárkilengen

2019 jylǵy 9 tamyz 16:12
Bólisińiz:
Bıyl ShYU aýmaǵynda 7 tonna esirtki tárkilengen

ALMATY. QazAqparat –Qazaqstan, Qyrǵyzstan, Tájikstan jáne Ózbekstan ishki ister mınıstrleriniń ekinshi keńesine qatysqan Erlan Turǵymbaev Qazaqstan polıtseıleriniń transulttyq qylmyspen qalaı kúresetinin aıtty. Bul týraly QazAqparat QR Іshki ister mınıstrliginiń baspasóz qyzmetine silteme jasap habarlaıdy.

«Bizdiń elder aýmaǵynda qaýipti qylmyskerlerdi izdeý jáne ustaý, aýyr qylmystardy birlesip ashý jolǵa qoıylǵanyna kóptegen mysaldar bar. TMD sheńberinde jyl saıyn 2 ret ótetin «Іzdestirý» halyqaralyq operatsııasynan tájirıbe jınaqtalǵanyn atap ótkim keledi. Sonymen qatar, birinshi ret mal urlyǵy men adam saýdasyna baılanysty qylmystardyń aldyn alýǵa jáne ashýǵa baǵyttalǵan «Skotokrad» jáne «Stop-trafık» úılestirilgen jedel-aldyn alý operatsııalary ótkizildi. Sonyń arqasynda halyqaralyq izdeýde júrgen qylmyskerler ustaldy, shekara arqyly zańsyz aıdalatyn ondaǵan bas mal tabylyp, adam saýdasyna baılanysty 100-ge jýyq qylmys anyqtaldy. Shanhaı yntymaqtastyq uıymy sheńberinde jaqynda ǵana sıntetıkalyq esirtkilerdi jetkizý jáne taratý arnalarynyń jolyn kesýge baǵyttalǵan «Paýtına» operatsııasy ótti. Onyń barysynda ShYU elderiniń aýmaǵynda 1 myńnan astam esirtki qylmysy anyqtalyp, 7 tonnaǵa jýyq túrli esirtki tárkilendi, 2 myńnan astam adam ustaldy. ShYU memleket basshylarynyń sheshimi boıynsha bul operatsııa aldaǵy ýaqytta turaqty túrde júrgiziletin bolady»,-dep atap ótti Erlan Turǵymbaev.

Mınıstrdiń sózine qaraǵanda, bıyl Ortalyq Azııa elderinen ishki ister organdarynyń suraýlary boıynsha Qazaqstan aýmaǵynda 70-ke jýyq qylmysker izdestirilgen.

«Birlesken izdestirý jumystary aıasynda qylmystyq ister boıynsha naqty tájirıbelik quqyqtyq kómek kórsetiledi. Bıyl Qazaqstannan Qyrǵyzstanǵa jáne Ózbekstanǵa 4 jedel-tergeý toby bardy. Olardyń barlyǵy áriptesterinen qajetti qoldaý men kómek aldy. Bul úshin mınıstrlikterdiń basshylaryna rızashylyǵymdy bildirgim keledi. Kóptegen qylmystardyń ashylýy men izdestirilip jatqan qylmyskerlerdi ustaý bizdiń ishki ister organdarynyń basshylary men qyzmetkerleriniń jeke baılanystary nátıjesinde múmkin bolatynyna senimdimin», - dedi vedomstvo basshysy.

Bizdiń kanalymyzǵa jazylyńyz:

Basty sózder: ShYU, Qylmyspen kúres, QR ІІM,
Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT