+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Bıyl polıtseıler 12 tonna esirtki tárkiledi – ІІM

2021 jylǵy 13 qyrkúıek 17:46
Bólisińiz:
Bıyl polıtseıler 12 tonna esirtki tárkiledi – ІІM

NUR-SULTAN. QazAqparat – Jyl basynan beri ishki ister organdarynyń qyzmetkerleri 5 300 esirtki zańbuzýshylyǵyn anyqtady jáne 12,5 tonna ártúrli esirtki tárkiledi, dep habarlaıdy QazAqparat tilshisi.

Uqsas jańalyqtar
Almatyda úsh esirtki zerthanasy joıyldy

«Jyl basynan beri ishki ister organdarynyń qyzmetkerleri 5 300 esirtki zańbuzýshylyǵyn anyqtady, onyń ishinde 1661 qylmystyń 991-i asa iri kólemde esirtkini ótkizý jáne 270-i – saqtaý faktisi bolǵan. Jalpy salmaǵy 12,5 tonna ártúrli esirtki tárkilendi, onyń ishinde: 4 kg geroın, 129 kg sıntetıka, 371 kg gashısh jáne 8,7 tonna marıhýana bar», - dedi QR ІІM esirtki qylmysyna qarsy is-qımyl departamentiniń basqarma bastyǵy Baqytjan Ámirhanov mınıstrlik uıymdastyrǵan brıfıngte.

Onyń aıtýynsha, 24 tamyzda Jambyl oblysy Shý aýdanynda Baızaq aýdanynyń 49 jastaǵy turǵyny jalpy salmaǵy 928 kg kannabıs ósimdikterin daıyndaý kezinde ustalǵan.

Sondaı-aq, 7 uıymdasqan qylmystyq top taratylyp, olardyń basshylary men qatysýshylaryna qatysty 13 qylmystyq is qozǵaldy. Qylmystyq toptardyń 7 kóshbasshysy men 34 qatysýshysy jaýapqa tartylady.

«Esirtki kontrabandasynyń 81 faktisi anyqtaldy. Mysaly, Qaraǵandy oblysynda uıymdasqan qylmystyq top qyzmetiniń joly kesildi, 2020 jylǵy tamyzdan bastap ınternet-resýrstar arqyly sıntetıkalyq esirtkilerdi baılanyssyz ótkizýmen aınalysqan jetekshi men 7 adam ustaldy. Qylmystyq topqa qatysty QR QK 297, 262-baptary 1 jáne 2-bólimderi boıynsha, sondaı-aq QR QK 264-baby «Transulttyq uıymdasqan qylmystyq top» boıynsha halyqaralyq qylmystyq baılanystary boıynsha da qylmystyq ister qozǵaldy», - deıdi B. Ámirhanov.

Vedomstvonyń málimetinshe, 7 tamyzda jedel-izdestirý sharalary arqyly 37 jastaǵy azamat ustaldy, ony jeke tintý kezinde 2 paket «gashısh» tárkilengen.

«Qyzmettik-izdestirý ıtimen tintý barysynda ustalǵan adamnyń turǵylyqty jeri – Qosshy qalasynda salmaǵy 34 keliden asatyn «gashısh» salynǵan 2 polıetılen paket tárkilendi. Ustalǵan azamat tárkilengen esirtkini Astana aýmaǵynda ótkizýdi kózdegen. Júrgizilgen arnaıy operatsııanyń nátıjesinde 36 kılogramnan astam «gashısh» zańsyz aınalymnan alyndy, bul 73 myńnan astam bir rettik dozany quraıdy», - dedi ІІM basqarmasynyń bastyǵy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT