+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Bıyl Petropavlda jeke sektordaǵy 600 úı súriledi

2020 jylǵy 22 qazan 03:00
Bólisińiz:
Bıyl Petropavlda jeke sektordaǵy 600 úı súriledi

PETROPAVL. QazAqparat – Petropavlda «Jańa qala» jobasy aıasynda jeke sektordaǵy shahardyń syıqyn buzyp turǵan úıler syrylyp, ornyna jańa nysandar salynyp jatyr, dep habarlaıdy QazAqparat tilshisi.

Petropavl qalasy ákiminiń orynbasary Vladıslav Lýkınniń aıtýynsha, 2016 jyldan beri Petropavldaǵy jeke sektorda 1 myń turǵyn úı súrilgen. Olardyń ıelerine zań boıynsha basqa baspana beriledi nemese úıiniń baǵasyna saı tólemaqy jasalady.

«Keı turǵyndar eski úıin buzýǵa kelisimin birden bermeıdi. Sol sebepti túsindirý jumysyn júrgizemiz. Zańger, qoǵam belsendileri jáne qalalyq ákimdik qyzmetkerlerinen turatyn arnaıy jumys toby bar. Ár turǵynǵa kelisimniń paıdaly jaqtaryn túsindiremiz. Buzylyp jatqan úılerdiń 99% - tozyǵy jetken, apatty jaǵdaıda turǵan baspana. Onyń ıeleri utylmaıdy, ornyna jańa úı alady», - deıdi Vladıslav Lýkın.

Bıyl Petropavlda 320 jer ýchaskesi memleket qajettiligi úshin alyndy. Máselen Sh.Ýálıhanov kóshesi boıynda 9 qabatty 7 turǵyn úıdiń qurylysy bastaldy.

«SQO ákimi Qumar Aqsaqalovtyń bastamasymen «Jańa qala» jobasy júzege asyp jatyr. Nátıjesinde Petropavl tanymastaı ózgerip, shaǵyn jáne turýǵa qolaıly qala bolýy kerek. Eski úıler buzylyp, qala kórkeıedi, ekinshiden jańadan alysqa ınfraqurylym tartýdyń qajeti bolmaıdy, shyǵyn azaıady. Qazir «Kopaı» yqsham aýdanynda salynýy tıis 2700 páterli baspananyń jobasy ázirlenip jatyr. Munymen astanalyq kompanııa aınalysýda. Osy jospar daıyn bolǵannan soń, qalalyq máslıhattyń talqylaýyna túsedi», - deıdi qala ákiminiń orynbasary.

Bıyl jyl sońyna deıin Petropavlda jeke sektordaǵy 600 úıdi súrý josparlanǵan.



Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT