+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Bıyl otbasylarǵa bıýdjetten 162 mıllıard teńgeden astam qarajat tólendi - mınıstrlik

2019 jylǵy 19 qarasha 02:16
Bólisińiz:
Bıyl otbasylarǵa bıýdjetten 162 mıllıard teńgeden astam qarajat tólendi - mınıstrlik

NUR-SULTAN. QazAqparat - 2019 jyly balalary bar otbasylardy qoldaýǵa jáne áleýmettik járdemaqy tóleýge respýblıkalyq bıýdjette 196 mlrd teńgeden astam qarjy kózdelgen, onyń 162,5 mlrd teńgesi ıgerildi. Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmet habarlady.

Uqsas jańalyqtar
Danıal Ahmetov Altaıdaǵy kópbalaly otbasylardyń jaǵdaıymen tanysty Jergilikti jáne shetel mamandaryna teń jaǵdaı jasaý mınıstrliktiń baqylaýynda - mınıstr 57 myń adamnyń nesıesi óteledi – Birjan Nurymbetov

Búginde memleket tarapynan otbasylardyń 5 sanatyna áleýmettik qoldaý kórsetiledi: 1 jasqa deıingi balalary bar analar men otbasylarǵa; kópbalaly otbasylarǵa; múgedek balalary bar otbasylarǵa; tabysy az otbasylarǵa; asyraýshysynan aıyrylǵan jáne balalardy qorǵanshylyqqa nemese qamqorshylyqqa alǵan otbasylarǵa.

Bala týylǵan kezde bir rettik járdemaqy beriledi, onyń mólsheri balanyń týylý kezegine baılanysty bolady. 2019 jyly birinshi, ekinshi, úshinshi balanyń dúnıege kelýine baılanysty járdemaqy mólsheri 95 950 teńgeni qurasa, tórtinshi jáne odan da kóp balaǵa – 159 075 teńgeni quraıdy. Búginde 308,6 myń adam 33,7 mlrd. teńge kóleminde járdemaqy aldy.

Sonymen qatar, bir jasqa deıingi bala kútimi boıynsha áleýmettik qoldaý kózdelgen. Járdemaqy mólsheri otbasyndaǵy balalar sanyna baılanysty 14 544 ten 222 473 teńgege deıingi mólsherdi quraıdy. Aǵymdaǵy jyldyń basynan beri 137,5 myńnan astam adam 28,5 mlrd. teńge kóleminde osyndaı járdemaqy aldy.

Múgedek balany onyń kámelettik jasqa jetkenge deıin tárbıeleıtin adamdardy qoldaýǵa jekelegen áleýmettik sharalar kózdelgen. Aǵymdaǵy jyldyń basynan beri mundaı járdemaqy 30,6 mlrd. teńge somasyndy 84,6 myń adamǵa tólendi. 2019 jylǵy 1 shildeden bastap onyń mólsheri 41 578 teńgeni quraıdy.

2019 jylǵy 1 shildeden bastap bala kezinen birinshi toptaǵy múgedektigi bar adamǵa kútim jasaý boıynsha járdemaqy engizildi. Onyń mólsheri – 41 578 teńgeni quraıdy. Járdemaqy engizilgennen beri mundaı járdemaqy 4,9 mlrd. teńge somasynda 13,6 myń adamǵa tólendi.

«Altyn alqa» jáne «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly 235 myń anaǵa tabysyna qaramastan, 38,1 mlrd. teńge somasynda aı saıyn járdemaqy tólenip keledi. Qazirgi ýaqytta bul járdemaqynyń mólsheri 16 160 teńgeni quraıdy.

Tórt jáne odan kóp kámeletke tolmaǵan balalary bar kópbalaly otbasylarǵa arnaýly memlekettik járdemaqy tólenedi. Aǵymdaǵy jyly járdemaqynyń bul túri 26,7 mlrd. teńge kóleminde 253,5 myń otbasyǵa tólendi.

Esterińizge sala keteıik, 2020 jylǵy 1 qańtardan bastap 4 jáne odan da kóp kámeletke tolmaǵan nemese 23 jasqa deıingi kúndizgi oqý bóliminde oqıtyn balalary bar kópbalaly otbasylarǵa jańa memlekettik járdemaqy engizý josparlanýda. Bul járdemaqy otbasynyń tabysyna qaramastan saralanǵan mólsherde taǵaıyndalady: 4 balaǵa – 42 496 teńge; 5 balaǵa – 53127 teńge; 6 balaǵa – 63 757 teńge; 7 jáne odan kóp balaǵa – 74 388 teńge.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT