Bıyl otanyna oralǵan qandastardyń kóbi Almaty jáne Mańǵystaý oblystaryna qonystandy
2022 jylǵy 4 shilde 10:08

Bıyl otanyna oralǵan qandastardyń kóbi Almaty jáne Mańǵystaý oblystaryna qonystandy

NUR-SULTAN. QazAqparat - 1 shildege deıin 7 415 etnıkalyq qazaq tarıhı otanymen qaýyshyp, qandas mártebesin aldy. Jalpy 1991 jyldan beri respýblıkaǵa 1 mıllıon 95,3 myń etnıkalyq qazaq oraldy, dep habarlaıdy QazAqparat.

Jyl basynan beri Qazaqstanǵa kelgen qandastardyń jartysynan kóbi (70,2%) - Ózbekstannan, 10,4% – Qytaıdan, 7,4% – Túrikmenstannan, 3,2% – Mońǵolııadan jáne 8,8% basqa elderden qonys aýdarǵan.

Eńbek jáne halyqty áleýmettik qorǵaý mınıstrliginiń málimetinshe, kelgen etnıkalyq qazaqtar negizinen Almaty (31,6%), Mańǵystaý (18,3%), Túrkistan (9,8%) jáne Jambyl (6,3%) oblystaryna, sondaı-aq Almaty (5,7%), Nur-Sultan (7,1%) jáne Shymkent (8,1%) qalalaryna qonystanǵan.

Osy jylǵy 1 shildedegi jaǵdaı boıynsha eńbekke qabiletti jastaǵy etnıkalyq qonys aýdarýshylar sany 62%, eńbekke qabiletti jastan kishi qonys aýdarýshylar sany 24,1% jáne zeınetkerler sany 13,9%.

Eńbekke qabiletti jastaǵy qandastardyń ishinen bilim deńgeıi boıynsha 11,4%-y joǵary bilimdi, 40,3%-y orta kásibı bilimdi, 47%-y jalpy orta bilimdi jáne 1,6%-nyń bilimi joq.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT