Bıyl Nur-Sultanda 100-den astam kóshe jóndeledi
2022 jylǵy 23 maýsym 22:41

Bıyl Nur-Sultanda 100-den astam kóshe jóndeledi

NUR-SULTAN. QazAqparat - Nur-Sultanda bıyl 100-den astam kóshe salynyp, jóndeledi. Sondaı-aq 140-tan astam kósheniń asfaltbeton jabynyn jóndeý josparlanyp otyr, dep habarlaıdy elorda ákimdiginiń resmı saıty.

Mysaly: Jeńis dańǵyly – Bógenbaı batyr dańǵylynan Esenberlın kóshesine deıin;

Tolstoı kóshesi boıynsha – Sembınov kóshesinen Kúltóbe kóshesine deıin;

Qosshyǵululy kóshesi boıynsha – Kúmisbekov kóshesinen 2-shi Almaty kóshesine deıin;

№103 kósheden bastalatyn jol;

Jetigen kóshesi boıynsha – Dosmuhamedov kóshesinen Alash tas jolyna deıin;

Qoshqarbaev dańǵylyndaǵy jol ótpesi jáne jol aıryǵy – Abylaıhan dańǵylyndaǵy jol aıryǵy;

Ál-Farabı kóshesi boıynsha;

Jabaev kóshesi boıynsha – Qaraǵandy tas jolynan bastalady;

Jubanov kóshesi boıynsha – Kenesary kóshesinen Tarhan kóshesine deıin;

Altynsarın kóshesi boıynsha – Jeńis dańǵylynan Potanın kóshesine deıin;

Aınakól kóshesi boıynsha – Tólebaev kóshesinen Abylaı han dańǵylyna deıin;

Rahymov kóshesi boıynsha – Kenesary kóshesinen bastap Ǵumar Qarash kóshesine deıin.

Sondaı-aq, qalanyń shet aýmaqtaryn damytýdyń 2020-2021 jyldarǵa arnalǵan baǵdarlamasy aıasynda Kóktal-1, Kóktal-2, Komsomolskıı, Internatsıonalnyı, Dostyq, Ońtústik-Shyǵys eldi mekenderinde ınjenerlik jeliler men jol salý boıynsha jobalar iske asyrylýda. Osy jyldar ishinde 31 km ınjenerlik jeli, sondaı-aq 6,2 km jol salyndy.

Qala turǵyndarynyń kópshiligi Alash kópirinde jóndeý jumystarynyń aıaqtalý merzimi surap, júginedi. Jaýapty basqarmanyń habarlaýynsha qazirgi ýaqytta Bógenbaı batyr dańǵylyndaǵy Ýálıhanov kóshesinen Ál-Farabı dańǵylyna deıingi kólik aıryǵynyń jol ótpesin qaıta qurýdyń sońǵy kezeńi júrip jatyr.

Sondaı-aq elordada eki avtomobıl kópiriniń qurylysy júrip jatyr. Oń jáne sol jaǵalaýdy jalǵaıtyn Uly dala dańǵylyndaǵy kópir Máńgilik El dańǵylyn, Nájimedenov, Baıtursynov, Qoshqarbaev kóshelerin, Nova city aýdanyn, «Myńjyldyq» alleıasyn baılanystyrýǵa múmkindik beredi. Temirjol vokzalyna, Telman, Promyshlennyı eldi mekenderine, METRO gıpermarketi aýdanyna, Jumabaev dańǵylyna, Júrgenov kóshesine jáne t.b. qoljetimdilik artady.

Táýelsizdik dańǵylyndaǵy Esil ózeni arqyly ótetin kópir Táýelsizdik dańǵylyn, jańa temirjol vokzalyn, Haziret Sultan meshitin, Nájimedenov, Qoshqarbaev dańǵylyn, Baıtursynov, Qordaı, Aınakól kóshelerin, sol sııaqty Momyshuly dańǵylyn sol jaǵalaýymen jáne t.b. qosymsha baılanysty qamtamasyz etýge múmkindik beredi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT