+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Bıyl Mańǵystaýda Kaspıı teńizi jaǵalaýyndaǵy joldar jóndeledi

2020 jylǵy 3 maýsym 22:34
Bólisińiz:
Bıyl Mańǵystaýda Kaspıı teńizi jaǵalaýyndaǵy joldar jóndeledi

AQTAÝ. QazAqparat - Bıyl Mańǵystaý oblysynda avtomobıl joldary salasynda 20-ǵa tarta joba júzege asyrylady. Ol qazaqstandyqtarǵa tanymal demalys aımaqtaryna kedergisiz jetýge múmkindik berip, óńirdegi týrıstik klasterdi damytýǵa septigin tıgizbek, dep habarlaıdy QazAqparat.

Uqsas jańalyqtar
Qostanaı oblysynda 517 shaqyrym jol jóndeledi

Indýstrııa jáne ınfraqurylymdyq damý mınıstrliginiń málimetinshe, oblysta jergilikti mańyzy bar joldardy salý, qaıta jańartý jáne ortasha jóndeýden ótkizý jumystary jalǵasyp jatyr.

Sondaı-aq, óńirde respýblıkalyq joldar jóndelýde. Máselen, Aqtaýda «MAEK» sý jınaǵyshynan «Quryq» paromdy keshenine deıingi avtojol jańartylyp jatyr. Qazir jobanyń 5 kezeńiniń úsheýi aıaqtalýǵa jaqyn. Jol Kaspıı teńizi jaǵalaýy boıynda jatqandyqtan, óńirdegi týrıstik sala úshin mańyzy zor.

Budan bólek, bıyl «Jyńǵyldy – Shaıyr – Sherqala», «Shetpe – Qyzan» joldarynda qaıta jańartý, Aqtaýda Ómirzaq eldimekeninen Jyly jaǵajaıyna deıingi avtojolda qurylys jumystary júrgizilip jatyr.

Aıta ketý kerek, 2020 jyly Mańǵystaý oblysynda avtomobıl joldary salasynda iske asyrylatyn jobalardyń biraz bóligi óńirdiń eldimekenderin baılanystyratyn jergilikti mańyzy bar joldardy ortasha jóndeýden ótkizýge baǵyttalǵan.

Osylaısha, «Qyzan – Aqshymyraý», «Shetpe – Tıgen – Qyzan» jolynyń 0-21 shaqyrymy, «Fort-Shevchenko-Taýshyq-Shetpe» jolynyń 0-91 shaqyrymy, «Mańǵyshlaq stantsııasy – Karer – 400» jolynyń 0-5,6 shaqyrymy, «Jańaózen – Qulandy» jolynyń 0-4,1 shaqyrymy jańartylady.

Sonymen qatar, Eralıev, Jańaózen stantsııalaryna, Jańaózen qalasyna, Shaıyr eldimekenine, Ońdy eldimekenindegi lagerge, Jarmysh eldimekenine, Syńǵyrlaý, Qyzylózen, Taýshyq kentterine kiretin joldar jóndeledi.

Jalpylaı alǵanda, bıyl jolshylar óńirdegi oblystyq jáne jergilikti mańyzdaǵy joldardyń shamamen 150 shaqyrymyn jóndeıdi.

Sondaı-aq, óńirde respýblıkalyq mańyzy bar «Dossor-Qulsary-Ótes-Shetpe-Jetibaı-Aqtaý porty» jolynyń 312,6-332,6 shaqyrymyn ortasha jóndeýden ótkizý kózdelgen.

Mańǵystaý oblysy jergilikti joldardyń sapa kórsetkishi boıynsha el óńirleri arasynda kósh bastap turǵanyn aıta ketý kerek.

Munda jergilikti mańyzy bar joldardyń jalpy uzyndyǵy - 1928 shaqyrym. Bul joldardyń 93% – jaqsy jáne qanaǵattanarlyq jaǵdaıda.










Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT