+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Bıyl Quryq porty júkterdi jóneltýden 1,6 mlrd teńge tabys tapty

2019 jylǵy 15 jeltoqsan 09:28
Bólisińiz:
Bıyl Quryq porty júkterdi jóneltýden 1,6 mlrd teńge tabys tapty

AQTAÝ. QazAqparat – Bıyl Quryq teńiz porty iske qosylǵanyna - 3 jyl. Solý aqyttan beri 1394 keme júrip ótken. Al, júkterdi aýystyryp tıeý 4,3 mln tonnany qurap otyr, dep habarlaıdy QazAqparat tilshisi.

Qazir teńiz portynda 2 temirjol, 1 avtomobıl joly paromdyq kesheni jumys istep tur. Quryq portynyń parom kesheni zamanaýı ınfraqurylymdyq qondyrǵylarmen jabdyqtalǵan. Jalpy jobalyq qýattylyǵy – 6 mln tonna. 2019 jyldyń on bir aıyndaǵy kórsetkish boıynsha, 1,2 mıllıon tonnadan astam ártúrli júk jóneltilgen, 1,6 mlrd teńge tabys túsken. Júkterdiń 760 myń tonnasy ımporttalyp, 485 myń tonnasy eksportqa jóneltilgen.

Zamanaýı ınfraqurylymdarmen jabdyqtalǵan Táýelsiz Qazaqstannyń alǵashqy portynyń keleshekke jańa jospary kóp. Jýyrda ǵana «Kaspıı halyqaralyq tranzıttik marshrýty» qaýymdastyǵyna múshe bolǵan qazaqstandyq port óz áleýetin arttyrý úshin kórshi memlekettermen kelissózder júrgizip jatyr.

«Qazirgi ýaqytta qazaqstandyq astyq, kómir, munaı ónimderi, tyńaıtqyshtar, hımııalyq zattar Quryq portynyń parom kesheni arqyly eksporttalady. Port arqyly túrli jabdyqtar, elektronıka, toqyma, hımııalyq ónimder, metall buıymdary jáne taǵy basqalar ótedi. Tutastaı alǵanda, porttyń temirjol jáne avtomobıl ınfraqurylymy Quryq porty arqyly Ázerbaıjan men Grýzııaǵa, Túrkııamen Shyǵys Eýropaǵa jiberýge múmkindik beredi. Jalpy, munda parom kesheni iske qosylǵaly kiris 4 mıllıardtan astam teńgeni qurady»,- dedi porttyń bas dırektory Serik Jetpisbaıuly.

Azııa men Eýropany teńiz arqyly jalǵaıtyn sý jolynyń boıynda turǵan paromda 200-ge jýyq adam jumyspen qamtylǵan. Barlyq qyzmetkerler úshin qolaıly jaǵdaılar jasalǵan. Jaıly jataqhana, kúnine 3 ret tamaqtanatyn ashana jáne basketbol alańdary qarastyrylǵan.

Foto: kazakh-tv.kz

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT