Bıyl Qostanaı oblysynda 4 myńnan astam otbasy qonys toıyn toılaıdy
2022 jylǵy 22 maýsym 15:55

Bıyl Qostanaı oblysynda 4 myńnan astam otbasy qonys toıyn toılaıdy

NUR-SULTAN. QazAqparat – Bıyl Qostanaı oblysynda 450 myń sharshy metr turǵyn úı salynady. Bul týraly Qostanaı oblysynyń ákimi Arhımed Muhambetov aıtty, dep habarlaıdy QazAqparat tilshisi.

«Bıyl «Nurly jer» turǵyn úı-kommýnaldyq damytý memlekettik baǵdarlamasyn júzege asyrý aıasynda 450,5 myń sharshy metr turǵyn úı salý, 4 myńnan astam páter tapsyrý josparlanǵan. Jyl basynan beri 3,4 paıyzdyq ósimmen 169,1 myń sharshy metr turǵyn úı paıdalanýǵa berildi. Turǵyn úı qurylysyna salynǵan ınvestıtsııa 16,7 paıyzǵa ósti», - dedi óńir ákimi Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, búgingi kúni óńirdegi aýyl halqynyń 74,9 paıyzy nemese aýyldardyń 59 paıyzy sýmen jabdyqtaý qyzmetterine qol jetkizip otyr.

«Bıyl «Nurly jer» jáne «Aýyl – el besigi» memlekettik baǵdarlamalary aıasynda sýmen jabdyqtaý jáne sý burý boıynsha 48 jobany iske asyrýǵa 20 mlrd teńge bólindi. Bul 2021 jylmen salystyrǵanda 33,3 paıyzǵa artyq. Alǵash ret ortalyq sýmen jabdyqtaý júıesine 14 aýyl qosylady. 5 aýyldyń sýmen jabdyqtaý júıesi qaıta jańǵyrtylady. Keleshekke boljamdy smetalyq quny 25 mlrd teńgeden asatyn 37 joba ázirlenip jatyr», - dedi Arhımed Muhambetov.


Uqsas jańalyqtar

Jańalyqtar

Úrdis

MURAǴAT