Bıyl konkýrsqa qatysqan múgedek jáne jetim balalarǵa túgel grant berildi - mınıstrlik
2022 jylǵy 10 tamyz 19:23

Bıyl konkýrsqa qatysqan múgedek jáne jetim balalarǵa túgel grant berildi - mınıstrlik

NUR-SULTAN. QazAqparat – Bıyl elimizdiń joǵary oqý oryndarynda oqıtyn múgedektigi bar talapkerler men jetim balalar tolyq memlekettik grantpen qamtamasyz etildi. Bul týraly ǴJBM joǵary jáne joǵary oqý ornynan keıingi bilim departamenti dırektorynyń orynbasary Erjan Ámirbekuly brıfıngte málim etti, dep habarlaıdy QazAqparat tilshisi.

«Bıyl memlekettik grant alý úshin 79 myńnan astam talapker ótinish joldady. Onyń basym kópshiligi ońtústik óńirlerden kelip tústi. Jeńimpazdardy anyqtaý arnaıy erejege sáıkes júrgizildi. Aldymen UBT-da alǵan ball anyqtalady. Sondaı-aq, Úkimet qaýlysyna sáıkes, jeńildik alýǵa quqyly adamdar eskerildi. Bul oraıda upaılar teń bolǵan kezde, basymdyq «Altyn belgi» ıegerlerine, respýblıkalyq jáne halyqaralyq konkýrstar men olımpıadalardyń jeńimpazdaryna berildi. Bıyl joǵary oqý oryndaryna túsetin jetimder men múgedektigi bar adamdar tolyq memlekettik bilim granttarymen qamtamasyz etildi», - dedi Ǵylym jáne joǵary bilim mınıstrligine qarasty vedomstvonyń ókili.

Aıta keteıik, buǵan deıin quzyrly organ UBT tapsyrý barysynda zań buzýshylyqqa barǵan talapkerlerdiń granty joıylatynyn málimdegen edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT