Bıyl Qazaqstanda 14 iri hımııalyq kásiporyn iske qosylady
ASTANA. QazAqparat - Bıyl Qazaqstanda 14 iri hımııalyq kásiporyn iske qosylady, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.
2022 jyly elimizde hımııa salasynda jalpy somasy 54,6 mlrd teńgege 10 joba iske qosyldy. Barlyq joba tolyq qýatyna shyqqan boıda óndiris kólemi shamamen 310 mlrd teńgege jetýi tıis. Eksportqa baǵyttalatyn ónim kólemi 260 mlrd teńgege jáne ımportty almastyrý 60 mlrd teńgege jýyqtaıdy dep kózdelgen.
«Al 2023 jyly jalpy somasy 58,1 mlrd teńgege 14 jobany iske qosý josparlanǵan. Atalǵan jobalar arqyly 1040 adam jumys ornymen qamtylyp, onyń 17,6% jáne 14,4% aýyldy jerler men monoqalalardyń úlesine tıesili. Barlyq óndiris orny josparlanǵan qýat kólemine tolyq shyqqan kezde óndirilgen ónim mólsheri shamamen 59 mlrd teńgege jetedi dep boljanyp otyr:
- eksport kólemi 11,6 mlrd teńge
- ımportty almastyrý 47,4 mlrd teńge», - dep jazdy vedomstvodan.
Taıaý bolashaqta hımııa salasynda 6 trln teńgege 98 ınvestıtsııalyq jobany júzege asyrý kózdelip otyr. Bul arqyly 13,9 myń turaqty jumys ashylady dep josparlanǵan.
Óńirler boıynsha hımııa ónerkásibine baılanysty jobalardyń edáýir bóligi Jambyl oblysyna (16 joba nemese 16,33%) tıesili. Mańǵystaý oblysynda hımııa óndirisi boıynsha 13 joba (13,27%) qolǵa alynǵan.
