Jańalyqtar  >

Bıyl Kazakh Invest qoldaýymen 6 mlrd dollardan asatyn qarjyǵa 45 joba iske asady

2022 jylǵy 30 qyrkúıek, 09:01
Bıyl Kazakh Invest qoldaýymen  6 mlrd dollardan asatyn qarjyǵa 45 joba iske asady

ASTANA. QazAqparat - Premer-Mınıstr Álıhan Smaıylovtyń tóraǵalyǵymen «Kazakh Invest» Ulttyq kompanııasy» AQ Dırektorlar keńesiniń kezekti otyrysy ótti, dep habarlaıdy QazAqparat.

Onda kompanııanyń damý josparyn iske asyrý nátıjeleri jáne birqatar uıymdastyrýshylyq máseleler qaraldy.

Ulttyq kompanııanyń basqarma tóraǵasy Meıirjan ıÝsýpov ótken jyly kompanııa damý kórsetkishterin, onyń ishinde qarjylyq jáne ınvestıtsııalyq jobalardy iske asyrý jónindegi kórsetkishterdi oryndaǵanyn baıandady.

Bıyl «Kazakh Invest» qoldaýymen jalpy somasy 6 mlrd dollardan asatyn shamamen 45 jobany iske asyrý jáne paıdalanýǵa berý josparlanýda.

Premer-Mınıstr sheteldik ınvestıtsııalar úshin jahandyq kúres jaǵdaıynda «Kazakh Invest» aldynda Qazaqstan ekonomıkasyna iri korporatsııalardy tartý jáne jańa ınvestıtsııalyq jobalardy iske asyrý boıynsha mańyzdy mindetter turǵanyn atap ótti.

«Bul baǵytta tıisti múmkindikterdi paıdalanyp, sheteldik ınvestorlarmen proaktıvti túrde jumys júrgizý kerek. Bul úshin Úkimet tarapynan barlyq jaǵdaı jasalǵan», - dedi Álıhan Smaıylov.

Sonymen qatar otyrysta Qazaqstannyń 2026 jylǵa deıingi ınvestıtsııalyq saıasatynyń tujyrymdamasyna sáıkestendirý úshin kompanııanyń 2018-2027 jyldarǵa arnalǵan damý strategııasyna ózgerister men tolyqtyrýlar engizý máselesi qaraldy. Tujyrymdamaǵa sáıkes, jyl saıyn shamamen 25 mlrd dollar tikeleı sheteldik ınvestıtsııalar aǵynyn qamtamasyz etý kózdelip otyr.


Foto: primeminister.kz



Tegı:
Uqsas jańalyqtar
Seriktester jańalyqtary

Jańalyqtar