+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Bıyl qaraǵandylyq polıtseılerdi baspanamen qamtý baǵdarlamasy bastalady

2020 jylǵy 14 qańtar 22:25
Bólisińiz:
Bıyl qaraǵandylyq polıtseılerdi baspanamen qamtý baǵdarlamasy bastalady

QARAǴANDY. QazAqparat – Qaraǵandy oblysynyń Polıtsııa departamentinde 2019 jylǵy jumys qorytyndysy shyǵarylyp, aldaǵy jylǵa mindetter talqylandy, dep habarlaıdy QazAqparat tilshisi.

Uqsas jańalyqtar
Atyraýda polıtsııanyń front-keńselerine 3 myń adam keldi Jeńis Qasymbek eseptik kezdesýde 100-ge jýyq suraqqa jaýap berdi Bıyl Temirtaý qalasynda qandaı ózgerister bolady - ákim esebi

Oblys basshysy Jeńis Qasymbek polıtseıler jumysynyń mańyzdylyǵyn atap ótti. Basty mindet – turǵyndardy ádil jáne tıimdi qorǵaý, quqyq buzýshylyqtyń aldyn alý jáne eskertý. Jergilikti bılik óz kezeginde, polıtseılerge materıaldyq-tehnıkalyq bazamen jáne qyzmetkerler úshin turǵyn úımen kómektespek.


«Jaqyn arada 200 qyzmettik avtokólik, onyń ishinde jeńil avtokólikter, avtobýstar jáne basqa da arnaıy tehnıka satyp alý josparlanýda. Sondaı-aq, «Turǵyn úı qurylys jınaq bankimen» birge ishki ister organdarynyń qyzmetkerlerin turǵyn úımen qamtamasyz etý baǵdarlamasyn júzege asyrýdy bastaımyz. Jyl sońyna deıin alǵashqy kiltterdi tapsyrý josparlanyp otyr», - dedi Jeńis Qasymbek.

Ol jalpy oblys boıynsha turǵyn úı qurylysynyń kólemi bir jarym esege artatynyn atap ótti. Qaraǵandyda bul kórsetkish eki ese ulǵaıady. 430 myń sharshy metr turǵyn úı salynady. Onyń bir bóligi Polıtsııa departamentiniń jáne Tótenshe jaǵdaılar departamentiniń qyzmetkerlerine arnalǵan.

Polıtsııa departamentiniń bastyǵy Erlan Faızýllın jumys nátıjelerin qorytyndylaı kele, óńirde qylmys deńgeıi 2019 jyly 25% tómendegenin habarlady. Jalpy bul úrdis sońǵy bes jylda baıqalyp otyr. Polıtsııa málimetterine sáıkes, aldyn alýdyń arqasynda qylmys azaıýda. Bul jerde qalalar men aýyldarda beınebaqylaý júıesi úlken kómek kórsetedi. Óńirde barlyǵy 4830 beınebaqylaý kamerasy ornatylǵan. Onyń 1138-i jedel basqarý ortalyǵyna sıgnal beredi.


«Kameralar kóshe qıylystarynda, azamattar kóp jınalatyn jerlerde jáne qoǵamdyq oryndarda ornatylǵan. Ótken jyly beınebaqylaý kameralarynyń kómegimen 479 qylmys ashyldy. Bul 2018 jylǵa qaraǵanda aıtarlyqtaı kóp. 24 myńnan astam ákimshilik quqyq buzýshylyq anyqtaldy, onyń ishinde jol qaýipsizdigi boıynsha – 16 myń», - dep atap ótti Erlan Faızýllın.

Ol sondaı-aq, qylmystardy polıtseılerge ashýǵa óńir turǵyndary da kómektesetinin aıtyp ótti. Qazir oblysta 147 qoǵamdyq qurylym jáne 89 volonterlik qozǵalys tirkelgen. Úsh myńǵa jýyq erikti polıtseılermen birlesken reıdterge qatysýda. Olar habar-osharsyz joǵalǵan adamdardy izdestirýge kómektesedi, qolaısyz otbasylarmen jumys isteýge qatysady, qoǵamdyq tártipti saqtaýǵa qolǵabys etedi.

Erlan Faızýllınniń aıtýynsha, aldaǵy ýaqytta polıtsııa qylmys deńgeıin tómendetýge dáıekti túrde qol jetkizetin bolady. Al óziniń kúndelikti jumysynda eń qatań standarttar men talaptarǵa baǵdarlanýy tıis. Basty mindet – azamattarǵa memlekettik qyzmetterdi tez jáne sapaly kórsetý. Qoǵamdyq qaýipsizdikti qamtamasyz etýge servıstik kózqaras tujyrymdamasy engizilýde. «Azamattarǵa arnalǵan qabyldaý» jobasy iske asyryldy, josparlanǵan 10 front-keńseniń 5-eýi ashyldy.

«Oblys turǵyndary men qonaqtary polıtsııa qyzmetkerlerine úndeý joldaǵanda túsinistik, adamı qarym-qatynas bolatynyna, al olardyń quqyqtary men bostandyqtary senimdi qorǵalatynyna senimdi bolýy tıis», - dedi ol.

Aımaq prokýrory Marat Seksembaev óz baıandamasynda bıylǵy jyly kámeletke tolmaǵandarǵa qatysty jynystyq qol suǵylmaýshylyqqa qarsy qylmystardyń, sondaı-aq mal urlyǵynyń aldyn alýǵa erekshe kóńil bólinetinin jetkizdi.

«Osyǵan baılanysty prokýratýra polıtsııamen birlesip belsendi jumys isteıtin bolady», - dedi Marat Seksembaev.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT