+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Bıyl Qaraǵandy oblysynyń 1200-den astam turǵyny kózine tegin operatsııa jasatty

2021 jylǵy 23 sáýir 00:53
Bólisińiz:
Bıyl Qaraǵandy oblysynyń 1200-den astam turǵyny kózine tegin operatsııa jasatty

QARAǴANDY. QazAqparat – Qaraǵandy oblysynyń oftalmologııalyq klınıkalary 2021 jyldyń 1-toqsanynda 1231 oftalmologııalyq operatsııa jasady.

Uqsas jańalyqtar
Reseıde koronavırýsqa qarsy vaktsınany  21,5 mln turǵyn saldyrǵan Balqashtaǵy turmysy tómen otbasylardyń balalary tuzdy úńgirde tegin em alady Semeıde maska taqpaǵandarǵa aıyppul salynýda

Olardyń ishindegi eń kóp taraǵany - kataraktany fakoemýlsıfıkatsııalaý, sodan keıin ıntraokýlıarlyq lınzany engizý, nemese kóz burshaǵyn aýystyrý, dep habarlaıdy QazAqparat tilshisi.

Eger kóz burshaǵynyń údemeli buldyraýy nátıjesinde kórý qabileti joǵalsa, bul kez-kelgen jasta kórý qabiletin qalpyna keltirýge bolatyn operatsııa.

Mundaı operatsııa jasatýǵa kóbine kórý ótkirliginiń 50% nemese odan da kóp joǵalýy, kózdiń aldynda tuman nemese «perde» paıda bolýy, tústerdiń nasharlaýy, bulyńǵyr daqtar, kórý qabiletiniń joǵalýy sekildi sebepter negiz bolady.

Balqash qalasynyń turǵyny Vıktor kóz burshaǵyn aýystyrý úshin Qaraǵandyǵa keldi. Zeınetkerge aýrýhanaǵa jatýdyń qajeti bolmady, óıtkeni operatsııa kúndizgi statsıonarda júrgiziledi. Fakoemýlsıfıkatsııa kezinde bulyńǵyr kóz burshaǵy jumsartylyp alyp tastalynady. Onyń ornyna jasandy ıntraokýlıarlyq lınza qoıyldy.

«Keshe men klınıkaǵa eki apta boıy júrgizilgen barlyq taldaýlar negizinde keldim. Operatsııa óte tez ótti. Osydan keıin meni palataǵa aýystyrdy. Dárigerdiń qaraýynan keıin biraz ýaqyttan soń úıge jiberdi. Búgin tańerteń men dárigerdiń qaraýynan óttim. Bári jaqsy, úıde ýaqytsha tańǵyshty alyp tastaýǵa bolady dep keńes berdi. Bir aı boıy kózge dári tamyzý kerek», - deıdi Vıktor.

2021 jyldyń úsh aıynda oftalmologtar óńirdiń 479 turǵynynyń kóz burshaqtaryn almastyrdy. Medıtsınalyq saqtandyrý Qory bul operatsııalar úshin 91,6 mln teńge tóledi.

«Kóz burshaǵyn aýystyrý operatsııasy MÁMS paketine kiredi jáne saqtandyrylǵan azamattar úshin ol tegin. Naýqastar klınıkaǵa joldama alady, qajetti tekserýlerden ótip, operatsııaǵa túsedi. Budan ári Qor saraptama nátıjeleri boıynsha ony júrgizgen medıtsınalyq uıymǵa osy operatsııa úshin qarjy tóleıdi», - dep qosty medıtsınalyq saqtandyrý qorynyń Qaraǵandy fılıalynyń dırektory Fazyl Kópobaev.

MÁMS paketine sondaı-aq eń qymbat oftalmologııalyq operatsııalardyń biri vıtrektomııa kiredi. Bul ádis kózdiń shyny tárizdi denesiniń aýrýlaryn emdeý úshin, sondaı-aq kóz toryna operatsııa jasaý kezinde ony alyp tastaý úshin qoldanylady. Operatsııa táýlik boıy statsıonar jaǵdaıynda júrgiziledi. Árbir osyndaı operatsııa 386 myń teńge turady, saqtandyrylǵan patsıentter úshin bul tegin. Aǵymdaǵy jyldyń basynan beri 116 patsıentke vıtrektomııa operatsııasy júrgizildi, olardyń tólemine Qor 45 mln teńgege jýyq qarajat bóldi.

Qaraǵandylyq Dmıtrıı sońǵy 8 aıda úsh ret oftalmologııalyq operatsııa jasatty. Jol apatyna baılanysty er adamnyń kóziniń torly qabyǵynyń sylynyp jáne kóziniń shyny tárizdi bóligine qan quıylǵan. Eki operatsııa ótken jyldyń kúzinde, taǵy bireýi 2021 jyldyń sáýirinde ótti. Dárigerler vıtrektomııa opratsııasyn eki kezeńde ótkizdi.

«Apattan keıin meniń eki kózim de kórmeı qaldy. Eki kezeńde dárigerler maǵan kózimniń kórý qabiletin qaıtardy. Men ekinshi operatsııadan 3-4 kún ótken soń kóre bastadym. Osy aıda úshinshi operatsııa jasaldy. Men taǵy 2 aı ońaltýdan ótetinime qaramastan, óte jaqsy kóremin. Dárigerlerge kóp rahmet. Barlyq operatsııalardy men «saqtandyrylǵan» bolǵandyqtan tegin jasattym», - deıdi Dmıtrıı.

2021 jyldyń 1 toqsanynda oblys klınıkalary 263 mln teńgege oftalmologııalyq operatsııalar jasady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT