+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Bıyl Qaraǵandy oblysynda kartoptyń mol ónimi jınaldy

2019 jylǵy 13 qazan 02:38
Bólisińiz:
Bıyl Qaraǵandy oblysynda kartoptyń mol ónimi jınaldy

QARAǴANDY. QazAqparat - Bıyl Qaraǵandy oblysynyń alqaptarynan 270 myń tonna kartop jınaldy. Bul kórsetkish ótken jylmen salystyrǵanda anaǵurlym joǵary, dep habarlaıdy QazAqparat tilshisi.

Qaraǵandy oblysynyń ákimi Jeńis Qasymbek Abaı aýdanyna jumys sapary barysynda «Shans» sharýa qojalyǵynda boldy.

Atalǵan qojalyq Qaraǵandy oblysyndaǵy eń iri aýylsharýashylyq kásiporny. Munda kartop, dándi jáne jemdik daqyldar ósiriledi, mal sharýashylyǵy da bar.

Ónimder Qaraǵandy, Aqmola oblystary men Nur-Sultanǵa jetkiziledi. Bul Elbasynyń tapsyrmasy boıynsha qurylǵan elordanyń azyq-túlik beldeýin qalyptastyrýǵa qatysatyn bizdiń aımaqtaǵy jalǵyz sharýa qojalyǵy emes.

Mysaly, «Topar jylyjaılary» JShS jyl saıyn óz óniminiń úshten birin elordaǵa jóneltedi. Osy jyldyń birinshi jartyjyldyǵynda astanaǵa 800 tonna qııar, qyzanaq jáne burysh sekildi kókónisterdi jóneltildi.

Jeńis Qasymbek kásiporynda bolyp, «Topar jylyjaılary» JShS dırektory Sultan Múrsálimovpen áńgimelesti. Onyń aıtýynsha, qazir jylyjaı úshin basty másele – jaryqtandyrý bolyp otyr.

«Qııar ósetin jańa jabyq keshenniń bir bóligi jaryqtandyrylmaǵan – elektr jelileriniń qýaty jetispeıdi. Bul ónimdilikke tikeleı áser etedi. Eger qazir biz sharshy metrden 43 tonna jınaıtyn bolsaq, onda jaryqtandyrý arqyly 100 tonna jınaıtyn bolar edi», - deıdi Sultan Múrsálimov.

Abaı aýdanyna jumys sapary barysynda aımaq basshysy Taszaımka kentine aparatyn joldy qarap shyqty. Óńir basshysy kóktemgi sý tasqynynyń aldyn alý úshin ony kúrdeli jóndeý ótkizý jáne bıiktetý úshin jobalyq-smetalyq qujattamany ázirleýdi tapsyrdy.

Ákim sondaı-aq «Vostochnaıa» ortalyq baıytý fabrıkasynyń jáne Toparadaǵy GRES jumysymen tanysty.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT