+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Bıyl qansha talapkerdiń UBT nátıjesi joıyldy: Mınıstrlik málimeti

2021 jylǵy 3 tamyz 19:53
Bólisińiz:
Bıyl qansha talapkerdiń UBT nátıjesi joıyldy: Mınıstrlik málimeti

NUR-SULTAN. QazAqparat – Qazaqstanda 19 talapkerdiń UBT nátıjeleri joıyldy. QazAqparat bul týraly QR Bilim jáne ǵylym mınıstrligine silteme jasap habarlaıdy.

Ádettegideı, Ulttyq testileý ortalyǵynyń qyzmetkerleri UBT aıaqtalǵannan keıin 145 myń talapkerdiń emtıhan tapsyrý barysy túsirilgen vıdeojazbalardy qarap shyqqan.

«Bıyl UBT beınejazbalarynyń bir bóligin egjeı-tegjeıli qarap shyqqannan keıin, 19 talapkerdiń shpargalkalardy qoldanǵany jáne erejelerdi buzǵany anyqtaldy. Osyǵan baılanysty olardyń nátıjeleri joıyldy», - delingen mınıstrliktiń resmı málimetinde.

«Túlekterimizdiń tek óz bilimine úmit artýyn qamtamasyz etý úshin osyndaı muqııat tekserý júrgizip jatyrmyz. Óıtkeni, búgin test tapsyryp, erejeni buzǵan talapkerdiń erteń polıtsııa qyzmetkeri, dáriger, muǵalim nemese sýdıa retinde adal maman bolatynyna kepildik joq. Sondyqtan komıssııa 19 talapkerdiń nátıjelerin joıýǵa sheshim qabyldady. Endi olar bilim berý granttaryn taǵaıyndaý konkýrsyna qatysa almaıdy.

Biraq bul jaǵdaılar balalar tarapynan bolǵandyǵyn eskerip, olarǵa joǵary oqý oryndarynda aqyly negizde oqý múmkindigi beriledi.

Jalpy, barlyq túlekter UBT-ny jylyna birneshe ret tapsyra alady. Bul testileýge daıyndalý barysynda oqýshylardyń kúızelisin azaıtady.

Biz taǵy da barlyq talapkerdi akademııalyq adaldyqqa shaqyramyz», – dep atap ótti QR BǴM Ulttyq testileý ortalyǵy dırektorynyń m.a. Naýjan Dıdarbekova.

Eske salaıyq, buǵan deıin Bilim jáne ǵylym mınıstri Ashat Aımaǵambetov UBT-ny tapsyrý rásiminiń ashyqtyǵyn qamtamasyz etýdi jáne testileý nátıjelerin baqylaýdy kúsheıtýdi tapsyrǵan bolatyn.

Ótken jyly baqylaý kameralarynyń jazbalaryn qarap shyǵý týraly ereje engizilgen bolatyn. Nátıjesinde, UBT aıaqtalǵannan keıin 152 talapkerdiń testileý erejesin buzǵany anyqtalyp, nátıjeleri joıyldy. Olardyń 91-i bilim berý grantynan aıyryldy.

Baqylaýdyń kúsheıýinen úsh jylda tyıym salynǵan zattardy kirgizý áreketteri birshama azaıdy. 2019 jyly – 128 myń, 2020 jyly 1296 túlek UBT-ǵa tyıym salynǵan zattardy alyp ótýge tyryssa, bıyl 758 jaǵdaı tirkeldi. Testileý kezinde tyıym salynǵan zattardy paıdalanýǵa árekettengenderdiń sany 2019 jylǵy 2363-ten 2021 jyly 749-ǵa deıin azaıdy.

Aldymen, Ulttyq testileý ortalyǵynyń qyzmetkerleri 100-den joǵary ball jınaǵan testilenýshilerdiń emtıhan tapsyrý barysy túsirilgen vıdeolardy tekseredi. Máselen, talapkerlerdiń nátıjeleri naýryz jáne mamyr, maýsym aılaryndaǵy kórsetkishterinen aıtarlyqtaı joǵary bolýy múmkin.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT