Jańalyqtar  >
  Qoǵam
Bıyl halyqtyń tabıǵı ósimi 7,7 paıyzǵa kemip, dúnıege kelgen sábıler sany azaıǵan
2022 jylǵy 10 tamyz 19:55

Bıyl halyqtyń tabıǵı ósimi 7,7 paıyzǵa kemip, dúnıege kelgen sábıler sany azaıǵan

NUR-SULTAN. QazAqparat - 1 shildege deıin elimizdegi halyq sany 19 246,3 myń adamdy qurady, onyń ishinde qalalyqtar – 11 479,6 myń (59,6%), aýyldyqtar – 7 766,7 myń adam (40,4%). Byltyrǵy 1 shildemen salystyrǵanda halyq sany 236,7 myń adamǵa nemese 1,2% ósti, dep habarlaıdy QazAqparat.

Ulttyq statıstıka bıýrosynyń málimetinshe, 2022 jylǵy qańtar-maýsymda respýblıka halqynyń tabıǵı ósimi 2021 jylǵy qańtar-maýymmen salystyrǵanda (139,7 myń adam) 7,7% kemip, 128,9 myń adamdy qurady.

Tabıǵı ósimniń jalpy koeffıtsıenti 1000 adamǵa shaqqanda 13,51 adamdy qurady.

AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2022 jylǵy qańtar-maýsymda dúnıege kelgender sany - 198,1 myń adam.

Bul 2021 jylǵy qańtar-maýsymǵa (216,2 myń adam) qaraǵanda 8,4% az. Týýdyń jalpy koeffıtsıenti 1000 adamǵa - 20,76 jańa týǵan qurady.

Qarastyrylyp otyrǵan kezeńde 69,2 myń adam qaıtys boldy, bul 2021 jylǵy qańtar-maýsymǵa (76,6 myń adam) qaraǵanda 9,6% az.

Ólim-jitimniń jalpy koeffıtsıenti 1000 adamǵa 7,25 qaıtys bolǵandy qurady.

2022 jylǵy qańtar-maýsymda respýblıkada 1 jasqa deıin shetinegen 1 649 náreste tirkeldi. 2021 jylǵy tıisti kezeńmen salystyrǵanda (1 688 shetinegen náreste) 2,3% kemidi.

Náreste ólim-jitiminiń koeffıtsıenti 1000 týǵandarǵa shaqqanda 8,32 oqıǵany qurady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT