+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Bıyl elimizde quny 1,23 trln teńge bolatyn 128 joba iske qosylady - Beıbit Atamqulov

2021 jylǵy 28 qyrkúıek 09:37
Bólisińiz:
Bıyl elimizde quny 1,23 trln teńge bolatyn 128 joba iske qosylady - Beıbit Atamqulov

NUR-SULTAN. QazAqparat – 2021 jyly óńirler jalpy somasy 1,23 trln teńge bolatyn 128 jobany iske qosýdy josparlap otyr. Bul týraly Úkimet otyrysynda Indýstrııalandyrý kartasy Jobalaryn talqylaý kezinde QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

Uqsas jańalyqtar
ShQO-da 2022 jyly maıly daqyldardy óńdeıtin zaýyt salynady Semeıdegi Abaı meshiti mańyna jerústi ótkel salynýda Qazaqstan ǵalymdary jol qurylysyna qoldanylatyn jańa tehnologııa oılap tapty

«Memleket basshysynyń tapsyrmasyna sáıkes óńdeý ónerkásibi óndirisiniń kólemin 2025 jylǵa qaraı 1,5 esege arttyrý mindeti qoıyldy. Naqty kólem ındeksi (NKI) jyl saıyn ortasha 4,2%-ǵa ósip, zattaı kóriniste 13,1-den 19,7 trln teńgege artady. Bıyl 8 aıdyń qorytyndysynda naqty kólem ındeksi 5,8%-dy qurady», - dedi B. Atamqulov.

Onyń aıtýynsha, farmatsevtıka ónerkásibi – 140,8%, mashına jasaý – 123,9% jáne qurylys materıaldary óndirisi 111,6% ósimdi kórsetti. Óndiris kólemin ulǵaıtý boıynsha qoıylǵan maqsatqa jetýde Indýstrııalandyrý kartasy jobalarynyń úlesi zor.

«2021 jyly óńirler jalpy somasy 1,23 trln teńge bolatyn 128 jobany iske qosýdy josparlap otyr. 12 myń jańa turaqty jumys orny ashylady. Jobalardyń eń kóbi Shymkent qalasynda – 17 joba, Qaraǵandy jáne Shyǵys Qazaqstan oblystarynda - 14 jobadan. 128 jobanyń 107-si óńdeý ónerkásibine, 15-i energetıka salasyna jáne 6 joba basqa da salalarǵa jatady. Óńdeý ónerkásibinde jalpy somasy 923,2 mlrd teńgege 107 jobany iske qosý josparlanǵan», - dedi mınıstr.

Osy oraıda jobalardyń eń kóp sany: tamaq ónerkásibi (89,7 mlrd teńge somasyna 39 joba), metallýrgııa (672,3 mlrd teńge somasyna 16 joba), mashına jasaý (79,6 mlrd teńge somasyna 15 joba) jáne qurylys ındýstrııasy (55,1 mlrd teńge somasyna 15 joba) salalarynda. Sonymen qatar, 670 mlrd teńgeden astam ınvestıtsııanyń negizgi úlesin metallýrgııa jobalary qamtamasyz etedi.

«Eldegi qurylys ındýstrııasynyń ósýi salaǵa baǵyttalǵan ınvestıtsııalardyń artýyna yqpal etti. Bul úrdis qurylys materıaldary baǵasynyń turaqtanýyna oń áser etedi. Arnaıy ekonomıkalyq aımaqtarda (AEA) bıyl 27,7 mlrd teńgege 15 joba iske asyrylyp, 842 jumys orny ashylady. Bul aımaqtardy jobalarmen toltyrady», - dedi B. Atamqulov.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT