+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Bıyl eki myńǵa jýyq qyzylordalyq áskerı boryshyn óteıdi

2019 jylǵy 18 qazan 10:33
Bólisińiz:
Bıyl eki myńǵa jýyq qyzylordalyq áskerı boryshyn óteıdi

QYZYLORDA. QazAqpara – Qyzylorda oblysynyń ákimi Qýanyshbek Ysqaqov QR Qorǵanys mınıstrliginiń áskerı bólimderine merzimdi áskerı qyzmetke shaqyrtylǵan azamattardy saltanatty shyǵaryp salý rásimine qatysty, dep habarlaıdy QazAqparat oblysy ákiminiń baspasóz qyzmetine silteme jasap.

Uqsas jańalyqtar

Bıyl kóktemde QR Qarýly kúshter qataryna 811 adam jiberilgen. Qyzylorda oblysy boıynsha kúzgi merzimde azamattardy áskerı qyzmetke tapsyrys sany 788-di qurap otyr. Onyń ishinde: QR UQK Shekara qyzmetine - 180 adam, QR Memlekettik kúzet qyzmetine - 3 adam, QR Qarýly Kúshterine - 305 adam, QR Ulttyq ulanǵa - 300 adam.

Qyzylorda oblysynyń ákimi áskerge shaqyrtylǵan jastarǵa sáttilik tilep, Otan aldyndaǵy áskerı boryshtaryn adal atqarýlaryna tilektes ekenin jetkizdi.

«Áskerı mindetin óteý - azamattardyń qasıetti boryshy. Sol sebepti, jastarymyzdy elimizdiń Qarýly kúshteriniń qataryna saltanatty túrde shyǵaryp salýdy biz izgi dástúrge aınaldyrdyq. Táýelsiz memleketimizdiń aıbyndy áskeriniń qataryna aımaqtan jylyna eki myńǵa jýyq azamat jóneltilip otyrady. Qazirgi tańda júrgizilgen reformalarǵa saı áskerge shaqyrylýshylarǵa qoıylar talap ta kúshti. Qarýly kúshterde qyzmet etý quryshtaı berik densaýlyqty, bilimdi bolýdy talap etedi. Otan aldyndaǵy áskerı boryshtaryńyzdy atqaryp, elge aman-esen oralýlaryńyzdy tileımiz»,- dedi aımaq basshysy.

Búgingi tańda barlyq medıtsınalyq komıssııalar tıisti biliktiligi bar maman dárigerlerden quralǵan jáne qajetti medıtsınalyq quraldarmen qamtamasyz etilgen. Aýdandar men qalalardaǵy áskerge shaqyrý pýnktteri, sondaı-aq, oblystyq jıyn pýnkti bólek ǵımarattarymen qamtylǵan. Patrıottyq sezimdi oıatý jáne áskerge shaqyrylýshylardyń belsendiligin arttyrý maqsatynda ardagerlerdiń, úkimetik emes uıymdardyń jetekshileri men belsendi jastardyń qatysýymen túsindirý sharalary uıymdastyrylyp turady.

Bizdiń kanalymyzǵa jazylyńyz:

Basty sózder: Qyzylorda oblysy, Ákim, Ásker,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT